Söluráðgjafi - fyrirtækjalausnir Creditinfo

Ert þú drífandi sölumanneskja með reynslu af sölu til fyrirtækja?

Creditinfo leitar að metnaðarfullum einstaklingi með reynslu af sölu eða viðskiptum á fyrirtækjamarkaði til að ganga til liðs við öflugt teymi fyrirtækisins.

Starfið felst fyrst og fremst í að finna ný viðskiptatækifæri, byggja upp sambönd við fyrirtæki og selja gagnadrifnar lausnir Creditinfo. Við leitum að einstaklingi sem hefur frumkvæði, þrautseigju og brennandi áhuga á sölu og viðskiptum.

Reynsla af fyrirtækjamarkaði og/eða stafrænum lausnum er mikill kostur.

Hjá Creditinfo gefst tækifæri til að þróast í starfi og með tímanum taka að sér stærri viðskiptasambönd.

Helstu verkefni og ábyrgð

• Sala á lausnum og gögnum Creditinfo til fyrirtækja
• Finna og þróa ný viðskiptatækifæri
• Tilboðs- og samningagerð
• Uppbygging og viðhald viðskiptasambanda
• Samstarf við vöruteymi og þátttaka í þróun lausna
• Önnur tilfallandi verkefni

Menntunar- og hæfniskröfur

• Háskólamenntun sem nýtist í starfi (krafa)
• Reynsla af sölu eða þjónustu við fyrirtæki (krafa)
• Metnaður, frumkvæði og vilji til að ná árangri í sölu
• Framúrskarandi samskiptahæfni
• Reynsla af kynningum og samningaviðræðum
• Góð almenn tölvukunnátta
• Áhugi á gagnadrifnum lausnum og viðskiptaumhverfi fyrirtækja

Creditinfo er leiðandi upplýsinga- og þjónustufyrirtæki sem sérhæfir sig í miðlun fjárhags- og viðskiptaupplýsinga, fjölmiðlavöktunar, ráðgjöf á áhættumati og áhættustýringu fyrirtækja.

Á Íslandi starfa rúmlega 40 starfsmenn en í heildina starfa um 450 starfsmenn hjá Creditinfo sem býður upp á þjónustu í um 30 löndum. Um er að ræða skemmtilegan og lifandi vinnustað þar sem mikil áhersla er lögð á nýjar framtíðarlausnir og framúrskarandi þjónustu.

Nánari upplýsingar veitir Dagný Franklínsdóttir, forstöðumaður Viðskiptastýringar og markaðsmála, [email protected]

Auglýsing birt10. mars 2026

Umsóknarfrestur24. mars 2026

Tungumálahæfni