Sölumaður hjá Innnes

Um er að ræða sölu á matvöru og tengdum vörum til fjölbreytts hóps viðskiptavina á fyrirtækjasviði; stofnana, mötuneyta, veitingastaða, hótela og fleiri.Í boði er krefjandi og spennandi starf fyrir einstakling þar sem reynir á góða þjónustulund, söluhæfileika og frumkvæði.

Helstu verkefni:

• Sala og ráðgjöf til fyrirtækjaviðskiptavina.
• Framúrskarandi þjónusta og eftirfylgni.
• Uppbygging og viðhald góðra viðskiptasambanda.
• Kynning á nýjum vörum og lausnum fyrir viðskiptavini.

Við leitum að einstaklingi sem

• Hefur reynslu af sölu eða brennandi áhuga á sölustörfum.
• Hefur þekkingu á matvörum eða mikinn áhuga á mat og matargerð.
• Er hugmyndaríkur, drífandi og nýtur þess að ná árangri.
• Hefur framúrskarandi samskiptafærni, þjónustulund og faglega framkomu.
• Er sjálfstæður, samviskusamur og stundvís.
• Hefur góða tölvukunnáttu og góða íslenskukunnáttu.
• Er 20 ára eða eldri.
• Er reyklaus og getur framvísað hreinu sakavottorði.

Vinnustaðurinn Innnes

Innnes er eitt stærsta innflutningsfyrirtæki landsins í matvöru og víni og leggur áherslu á framúrskarandi þjónustu við viðskiptavini sína með gildin gleði og fagmennsku að leiðarljósi.

Boðið er upp á fyrirmyndar vinnuumhverfi þar sem boðið er upp á mötuneyti með heitum mat og ýmis fríðindi eins og heilsuræktarstyrk, samgöngustyrk, öflugt félagslíf og fleira. Innnes starfrækir vottað jafnlaunakerfi í samræmi við jafnréttis- og launastefnu fyrirtækisins og við hvetjum áhugasama að sækja um, óháð kyni, uppruna o.s.frv.

Umsóknarfrestur er til og með 26. júlí 2026.

Eingöngu er tekið við umsóknum í gegnum ráðningavef Innnes. Umsókn skal fylgja ferilskrá með mynd (CV) á Word- eða PDF-formi ásamt kynningarbréfi þar sem gerð er grein fyrir ástæðu umsóknar og hvers vegna þú ert rétti aðilinn í starfið.Nánari upplýsingar veitir Vigdís Ylfa Hreinsdóttir, sölustjóri, í tölvupósti [email protected]. Vinsamlegast athugið að ekki eru veittar upplýsingar í síma.