Laus störf Hæfnileit Vinnustaðir Námskeið

Veðurstofa Íslands

Á Veðurstofu Íslands starfar fjölbreyttur og samstilltur hópur fólks við að efla öryggi og áfallaþol samfélagsins gegn náttúruvá og áhrifum loftslagsbreytinga. Við þjónustum allt samfélagið með því að vakta, gefa út spár og viðvaranir vegna veðurs, jarðskjálfta, eldgosa, hlaupa, vatnsflóða og ofanflóða. Sérfræðingar okkar eru leiðandi í vísindastarfi á sínu sviði og styðja viðbrögð samfélagsins vegna náttúruvár og áhrifa loftslagsbreytinga með gagnasöfnun, varðveislu gagna, greiningu, rannsóknum, ráðgjöf og miðlun um náttúrufar á Íslandi. Með framsæknum og notendamiðuðum lausnum stefnum við á Veðurstofunni að því að vera leiðandi í verndun mannslífa, innviða og sjálfbærrar nýtingar auðlinda.

Vinnustaðurinn

Snjóflóðasérfræðingur

Veðurstofa Íslands óskar eftir að ráða snjóflóðasérfræðing tímabundið í fullt starf hjá deild snjóflóða og skriðufalla sem er á Þjónustu- og rannsóknasviði. Á deildinni starfa rúmlega 20 sérfræðingar við ýmis störf sem tengjast ofanflóðum, bæði við vöktun, rannsóknir og hættumat. Starfsfólk deildarinnar starfar á fjórum starfsstöðvum: Reykjavík, Ísafirði, Akureyri og í Neskaupstað og einnig tilheyra deildinni snjóathugunarmenn sem eru staðsettir víða um land. Viðkomandi hefur val um starfsstað úr ofangreindum fjórum starfsstöðvum.

Veðurstofa Íslands er opinber stofnun sem heyrir undir Umhverfis-, orku- og loftslagsráðuneytið. Á Veðurstofunni starfa um 160 manns með fjölbreytta menntun og starfsreynslu sem spannar mörg fræðasvið vísinda og sérfræðiþekkingar. Auk þess starfa um 50 manns við athugana-og eftirlitsstörf víðsvegar um landið. Nánari upplýsingar um stofnunina má finna á heimasíðu hennar www.vedur.is

Starfið felst í snjóflóðavöktun og tengdum þróunar- og rannsóknarverkefnum. Viðkomandi verður hluti af öflugu og samstilltu teymi sérfræðinga ofanflóðavöktunar Veðurstofunnar, sem er í nánu samstarfi meðal annars við snjóathugunarmenn og veðurfræðinga á vakt.

Helstu verkefni og ábyrgð

Sérfræðivinna við vöktun snjóalaga og veðurs á snjóflóðasvæðum. Öflun upplýsinga frá snjóathugunarmönnum og veðurfræðingum á vakt. Gerð snjóflóðaspáa og ráðgjöf er varðar snjóflóðavá. Vinna við þróunar- og rannsóknarverkefni sem tengjast snjóflóðavöktun.

Starfinu fylgir vaktavinna á álagstímum og þá sérstaklega yfir vetrartímann.

Menntunar- og hæfniskröfur

Háskólapróf sem nýtist í starfi
Framhaldsmenntun sem nýtist í starfi er kostur
Reynsla af fjallaferðum nauðsynleg og þá sérstaklega að vetrarlagi
Þekking og geta til að vinna við GIS kerfi, almenna forritun, líkanareikninga eða R-forritun er kostur
Reynsla af greiningu flókinna gagna og nýtingu gervigreindar er kostur
Æskilegt er að viðkomandi hafi lokið snjóflóðanámskeiðum s.s. Level 1 hjá Kanadísku snjóflóðasamstökunum og/eða fagnámskeiði Landsbjargar
Góð þekking á landafræði Íslands
Góð færni í íslensku og ensku og þá sérstaklega í rituðu máli
Færni í mannlegum samskiptum
Geta til að vinna og taka ákvarðanir undir álagi og óvissum kringumstæðum
Góð greiningarfærni
Skipulagshæfni og nákvæm vinnubrögð