Laus störf Hæfnileit Vinnustaðir Námskeið

Vatnsendaskóli

Í Vatnsendaskóla er lögð rík áhersla á fjölbreytta kennsluhætti og einstaklingsmiðað nám. Áhersla er lögð á umhverfis-, rannsóknar- og vettvangsnám. Gildi skólanámskrár byggjast á virðingu, vináttu, samvinnu og skapandi skólastarfi. Sérstök áhersla er lögð á náttúrufræði og raungreinar og útikennsla er ríkur þáttur í skólastarfinu þar sem skólinn er staðsettur í fallegu umhverfi við Elliðavatn. Í Vatnsendaskóla er litið á hvern árgang sem eina heild. Kennarar árgangsins bera sameiginlega ábyrgð á nemendum og vinna saman að því að skipuleggja nám nemenda. Þetta fyrirkomulag stuðlar að sveigjanleika og býður upp á möguleika að breyta hópum í samræmi við viðfangsefni og aukna samkennslu þar sem það á við. Þannig nýtist styrkur og hæfni starfsfólks nemendum.

Vinnustaðurinn

Skrifstofustjóri í Vatnsendaskóla

Vatnsendaskóli óskar eftir skrifstofustjóra í 80% -100% starf

Við leitum að þjónustulunduðum og skipulögðum einstaklingi sem hefur áhuga á að taka þátt í lifandi skólastarfi og styðja við daglegan rekstur skólans.

Í Vatnsendaskóla eru um 515 nemendur og 90 starfsmenn. Í skólanum fer fram metnaðarfullt starf og unnið er eftir uppeldisstefnunni Uppeldi til ábyrgðar. Vatnsendaskóli er Réttindaskóli Unicef. Einkunnarorð skólans eru virðing, vinátta, samvinna og skapandi starf.

Starfið hentar vel einstaklingi sem þrífst í hröðu og lifandi starfsumhverfi.

Ráðningartími og starfshlutafall

Um er að ræða 80% - 100% starf og er ráðið í stöðuna frá 1. október 2026.

Vinnutími hefst kl. 7:30 á morgnana.

Upplýsingar um skólastarfið í Vatnsendaskóla, stefnu hans og helstu áherslur er að finna á heimasíðu skólans, www.vatnsendaskoli.is.

Helstu verkefni og ábyrgð

Umsjón og ábyrgð á daglegum rekstri skrifstofu.
Móttaka og þjónusta við nemendur, foreldra, starfsfólk og gesti skólans.
Símsvörun og miðlun skilaboða til viðeigandi aðila innan og utan bæjarins.
Umsýsla, skjölun og frágangur gagna s.s. nemenda- og starfsmannagögn.
Skipulag og stjórnun skjalavörslu.
Aðstoð við uppáskrift reikninga í samráði við skólastjóra.
Umsjón með One Systems og Mentor vegna skráningar nemenda í skólann.
Umsjón með viðveruskráningu starfsmanna í Vinnustund.
Umsjón með skráningu nemenda og starfsfólks, forfallaskráningu og skipulagi forfallakennslu.
Innkaup og birgðahald fyrir skrifstofu og skólahald.
Stuðla að velferð nemenda og góðum samskiptum við forsjáraðila í samstarfi við fagfólk skólans.
Önnur tilfallandi verkefni í samstarfi við skólastjórnendur.

Menntunar- og hæfniskröfur

Háskólamenntun sem nýtist í starfi.
Mjög góð þekking og reynsla af skrifstofustörfum, helst innan skóla- eða opinberrar stjórnsýslu.
Góð tölvukunnátta og færni í ritvinnslu og almennri skrifstofuvinnu.
Þekking á upplýsingakerfum eins og Mentor er kostur.
Þekking og reynsla á Vinnustund er kostur.
Lipurð í samskiptum og samstarfshæfni, þjónustulund og fagleg framkoma.
Sveigjanleiki og geta til að vinna undir álagi.
Góð skipulagshæfni og sjálfstæði í vinnubrögðum.
Stundvísi og áreiðanleiki.
Góð íslensku- og enskukunnátta í rituðu og töluðu máli.

Fríðindi í starfi

Starfsmenn Kópavogsbæjar fá frían aðgang í sundlaugar bæjarins.

Laun eru samkvæmt kjarasamningi Sambands íslenskra sveitarfélaga og viðeigndi stéttarfélags.

Bent er á að samkvæmt lögum þurfa umsækjendur að samþykkja heimild til öflunar upplýsinga úr sakaskrá.

Umsóknum skal fylgja ferilskrá og kynningarbréf.

Umsóknarfrestur er til og með 24. júní 2026.

Tekið verður mið af jafnréttisstefnu Kópavogsbæjar við ráðningu í starfið.

Tekið er á móti umsóknum í gegnum ráðningarvef Alfreðs.

Nánari upplýsingar gefur María Jónsdóttir skólastjóri, netfang [email protected] og Ingunn Huld Kristófersdóttir aðstoðarskólastjóri, netfang [email protected]

Auglýsing birt10. júní 2026

Umsóknarfrestur24. júní 2026

Tungumálahæfni