Laus störf Hæfnileit Vinnustaðir Námskeið

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Skólaþjónusta: Sérfræðingur í farteymi

Fræðslu- og lýðheilsusvið óskar eftir að ráða til starfa sérfræðing í farteymi skólaþjónustu. Um tvær tímabundnar stöður er að ræða í 100% starfshlutfalli þar sem unnið er í dagvinnu. Ráðið er í störfin til tveggja ára frá 1. ágúst eða eftir samkomulagi.

Farteymi skólaþjónustu er nýtt tilraunverkefni til tveggja ára með það að markmiði að veita tímabundinn, markvissan og þverfaglegan stuðning inn í leik- og grunnskóla Akureyrarbæjar þegar önnur úrræði eru fullreynd. Sérfræðingar farteymis starfa að mestu inni í skólaumhverfinu, vinna með börnum, styðja við starfsfólk og innleiðingu inngripa sem bæta námsumhverfi, öryggi, líðan og virkni.

Helstu verkefni og ábyrgð

Greinir og metur stöðu og þarfir barna í skóla.
Vinnur tímabundið í nánu samstarfi við starfsfólk og börn í skólaaðstæðum.
Vinnur með og styður við starfsfólk skóla við aðlögun náms, kennsluhátta og skipulags.
Setur fram áætlanir og daglega ferla í samstarfi við starfsfólk skóla.
Samþætting verkefna og þróunarvinna á fræðslu- og lýðheilsusviði.
Vinna að samþættingu þjónustu í þágu farsældar barna þvert á svið/stofnanir.

Menntunar- og hæfniskröfur

Háskólamenntun sem nýtist í starfi (BS/BA/B.Ed).
Viðbótarmenntun sem nýtist í starfi er kostur.
Farsæl og nýleg reynsla af vinnu með börnum sem þurfa sérhæfðan stuðning.
Farsæl og nýleg reynsla við ráðgjöf á sviði málefna barna.
Haldbær þekking á hegðunarerfiðleikum, tilfinningavanda og þroskafrávikum.
Þekking á lögum og reglugerðum sem varða þjónustu við börn.
Góð samskiptahæfni, sjálfstæð vinnubrögð og frumkvæði.
Áhugi og vilji til að tileinka sér nýja þekkingu og leggja sitt af mörkum til að bæta þjónustuna.
Góð almenn tölvukunnátta.
Góð íslenskukunnátta bæði í töluðu og rituðu máli.
Góð enskukunnátta bæði í töluðu og rituðu máli.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skal fylgja greinargóð skýrsla um störf umsækjanda og menntun og þau verkefni sem hann hefur unnið að og varpað geta ljósi á færni hans til að sinna starfinu. Mikilvægt er að einnig komi fram hugmyndir umsækjenda og sýn á starfið.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Helga Vilhjálmsdóttir, forstöðumaður skólaþjónustu í síma 460-1455 og á netfangi [email protected]

Einungis er tekið á móti rafrænum umsóknum.

Umsóknarfrestur er til og með 28. maí 2026

Auglýsing birt15. maí 2026

Umsóknarfrestur28. maí 2026

Tungumálahæfni