Laus störf Hæfnileit Vinnustaðir Námskeið

VIRK Starfsendurhæfingarsjóður

Hlutverk VIRK er að efla starfsgetu einstaklinga með heilsubrest sem stefna að aukinni þátttöku á vinnumarkaði. VIRK hefur í samstarfi við fagaðila, fyrirtæki og stofnanir skilað samfélagslegum ávinningi með aukinni þátttöku einstaklinga á vinnumarkaði og er leiðandi í rannsóknum og þróun á sviði starfsendurhæfingar. Að VIRK standa öll helstu samtök launamanna og atvinnurekenda á vinnumarkaði. VIRK er metnaðarfullur vinnustaður þar sem lögð er áhersla á jákvæðan starfsanda og sterka liðsheild. VIRK kappkostar að skapa jákvæða menningu með traustu fagfólki. Gildi VIRK eru Fagmennska, Virðing og Metnaður og er starfsfólk hvatt til að hafa gildin að leiðarljósi í störfum sínum.

Vinnustaðurinn

Sjúkraþjálfari - Sérfræðingur hjá VIRK

VIRK leitar að reyndum sjúkraþjálfara til starfa í öflugu þverfaglegu teymi.

Við leitum að einstaklingi sem hefur brennandi áhuga á endurhæfingu og vellíðan fólks og vill leggja sitt af mörkum til að hjálpa einstaklingum að komast aftur út á vinnumarkaðinn.

Starfið felur meðal annars í sér að kortleggja vanda einstaklinga sem vísað er í þjónustu VIRK. Sjúkraþjálfari veitir faglegan stuðning til ráðgjafa, tekur þátt í að meta framgang starfsendurhæfingar, leggur mat á færni einstaklinga í þjónustu og hvaða færniþættir kunni að hamla atvinnuþátttöku. Markmiðið er að finna bestu leiðirnar til að styðja við einstaklinga til þess að snúa aftur til vinnu.

Sjúkraþjálfari kemur jafnframt að þróunar- og umbótaverkefnum sem miða að því að efla og bæta þjónustu VIRK.

Helstu verkefni og ábyrgð

Kortlagning á vanda einstaklinga í þjónustu VIRK
Setja fram faglegar áherslur í starfsendurhæfingarferli einstaklinga
Ákvarðanataka í málum einstaklinga í þjónustu VIRK
Þátttaka í þverfaglegum teymum
Rýna framgang mála m.t.t. hindrana hvað varðar þátttöku á vinnumarkaði
Samstarf við fagaðila og stofnanir í heilbrigðis- og félagsþjónustu
Þróunar- og umbótastarf

Menntunar- og hæfniskröfur

Réttindi til að starfa sem sjúkraþjálfari
Að minnsta kosti fjögurra ára starfsreynsla við meðferð/endurhæfingu
Framhaldsmenntun á fagsviði er kostur
Þekking á heilbrigðis- og félagsþjónustu
Reynsla og þekking á sviði starfsendurhæfingar er kostur
Reynsla af og jákvætt viðhorf til þverfaglegrar samvinnu
Framúrskarandi samskiptahæfni og rík þjónustulund
Þekking og reynsla af verkefnastjórnun er kostur
Gott vald á íslensku og ensku, bæði í ræðu og riti

Upplýsingar veitir

Í boði er fullt starf eða hlutastarf. Umsóknarfrestur til og með 8. desember 2025. Umsóknir skulu sendar í gegnum alfred.is.

Umsókn þarf að fylgja starfsferilskrá og kynningarbréf  þar sem á skýran hátt er gerð grein fyrir af hverju sótt er um starfið og hvernig viðkomandi uppfyllir hæfniskröfur starfsins.
Nánari upplýsingar veitir Þórey Edda Heiðarsdóttir sviðsstjóri Mats og rýni – [email protected]

__________________________________________________________________

Hlutverk VIRK er að efla starfsgetu einstaklinga með heilsubrest sem stefna að aukinni þátttöku á vinnumarkaði.

VIRK hefur í samstarfi við fagaðila, fyrirtæki og stofnanir skilað samfélagslegum ávinningi með aukinni þátttöku einstaklinga á vinnumarkaði og er leiðandi í rannsóknum og þróun á sviði starfsendurhæfingar. Að VIRK standa öll helstu samtök launamanna og atvinnurekenda á vinnumarkaði.

VIRK er metnaðarfullur vinnustaður þar sem lögð er áhersla á jákvæðan starfsanda og sterka liðsheild. VIRK kappkostar að skapa jákvæða menningu með traustu fagfólki. Gildi VIRK eru Fagmennska, Virðing og Metnaður og er starfsfólk hvatt til að hafa gildin að leiðarljósi í störfum sínum.

Auglýsing birt24. nóvember 2025

Umsóknarfrestur8. desember 2025

Tungumálahæfni