

Sérfræðingur í fasteignamati og þróun matsaðferða
VILT ÞÚ STARFA Á VINNUSTAÐ SEM LEGGUR ÁHERSLU Á FRAMÚRSKARANDI ÞJÓNUSTU OG ÁRANGURSDRIFIÐ VINNUUMHVERFI?
HMS vinnur að undirbúningi á breytingum á fasteignamati stórra og flókinna mannvirkja á Íslandi svo sem atvinnuhúsnæðis og orkumannvirkja, í samræmi við áherslur stjórnvalda. HMS fer með yfirstjórn fasteignaskráningar á Íslandi en fyrirhuguð er endurskoðun á lögum nr. 6/2001, um skráningu, merki og mat fasteigna.
HMS býður upp á árangursdrifinn vinnustað með skýr markmið, stefnu og mælikvarða sem hjálpa okkur að vinna saman og ná lengra. Þú færð tækifæri til að leggja þitt af mörkum í verkefnum sem skipta sköpum fyrir samfélagið.
Við leitum af drífandi einstaklingi sem hefur áhuga á að gegna lykilhlutverki í verkefnum sem tengjast framkvæmd og þróun fasteignamats, endurskoðun matsaðferða í teymi fasteignamats og skráninga hjá HMS. Viðkomandi þarf að hafa brennandi áhuga á fasteignamarkaðinum, vera töluglöggur og hafa þekkingu á tölfræðilegri vinnslu. Við hvetjum fólk með fjölbreytta menntun og bakgrunn til að sækja um starfið.
- Þátttaka í innleiðingu nýrra matsaðferða fyrir fasteignamat
- Árlegt endurmat fasteigna í samráði við teymisstjóra
- Tryggja tímanlega afgreiðslu endurmatsbeiðna, gerð vandaðs rökstuðnings og góða þjónustu við fasteignaeigendur
- Miðla forsendum og niðurstöðum fasteignamats til hagaðila og helstu viðskiptavina
- Mat og skoðanir á fasteignum
- Önnur verkefni samkvæmt ákvörðun yfirmanns
- Menntun og reynsla sem nýtist í starfi s.s. í verkfræði, viðskiptafræði, hagfræði, stærðfræði eða öðrum greinum
- Þekking og reynsla af fasteignamarkaði, matstörfum, gagnagreiningum eða gerð tölfræðilegri líkana er kostur
- Frumkvæði, drifkraftur, sjálfstæði og vönduð vinnubrögð
- Jákvætt og lausnamiðað hugarfar
- Mikil færni í mannlegum samskiptum og rík þjónustulund
- Hæfni til að tjá sig í ræðu og riti á íslensku
Íslenska










