Sérfræðingur á vörusviði
Við leitum að drífandi liðsfélaga á vörusvið Lyfju í fjölbreytt hlutverk sérfræðings í greiningum.
Vörusvið hefur mikilvægan snertiflöt við allar okkar verslanir og leggur metnað sinn í hágæða vöruúrval, skilvirkar áætlanir, gagnlegar greiningar og stuðning við verslanir Lyfju.
Lyfjuliðið er fjölbreyttur hópur sérþjálfaðs starfsfólks sem á það sameiginlegt að vera umhugað um þitt heilbrigði og vellíðan. Við erum í kringum 400 manns og á 45 staðsetningum um allt land. Við vinnum að því markmiði að lengja líf og auka lífsgæði.
HELSTU VERKEFNI
- Eftirlit með framlegð, verðlagningu og birgðum á skilgreindum vöruflokkum
- Almennar greiningar á markaði og vöruflokkum
- Þátttaka í áætlunargerð og eftirfylgni með áætlunum
- Þróun og viðhald sölu- og birgðaskýrslna
- Frumkvæði til þess að sjálfvirknivæða, miðla og bæta gæði og aðgengi að gögnum
- Skipulagning, framkvæmd og eftirfylgni söluhvetjandi aðgerða í samstarfi við markaðssvið
HÆFNISKRÖFUR
- Reynsla af starfi í greiningum og/eða vörustýringu er kostur
- Framúrskarandi færni í Excel, Pivot töflum og faglegri framsetningu gagna
- Reynsla af Business Central/Navision og PowerBI er mikill kostur
- Áhugi á heilbrigði og vellíðan
- Háskólamenntun sem nýtist í starfi
Umsóknarfrestur er til og með 3. júlí nk.
Nánari upplýsingar veitir:
Kristján Pétur Sæmundsson, Brú Talent, [email protected]
Hvers vegna Lyfja?
Lyfja er leiðandi fyrirtæki og starfar sem hluti af heilbrigðisþjónustu með það að markmiði að lengja líf og auka lífsgæði. Við leggjum áherslu á að skapa eftirsóknarverðan vinnustað þar sem góður starfsandi, hæfni og þekking starfsfólks nýtist sem best. Við bjóðum upp á faglega fræðslu og leggjum áherslu á jafna möguleika til starfsþróunar. Auk þess styðjum við starfsfólk og viðskiptavini á sinni heilsuvegferð og leggjum áherslu á sveigjanleika og jafnvægi vinnu og einkalífs.
