Laus störf Hæfnileit Vinnustaðir Námskeið

Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið.

Vinnustaðurinn

Sérfræðingur á tæknideild á Norðursvæði

Vegagerðin auglýsir eftir öflugum einstaklingi til að sinna hönnun og undirbúningi vegaframkvæmda á Tæknideild Norðursvæðis. Starfið felst fyrst og fremst í hönnun og hönnunarstjórn vegamannvirkja og gerð kostnaðaráætlana og útboðsgagna.

Tæknideild Norðursvæðis fer með hönnun og undirbúning verkefna á svæðinu í nýframkvæmdum, viðhaldi og öryggisaðgerðum. Auk þess ber deildin ábyrgð á landmælingum, skipulagsmálum, leyfisveitingum o.fl.. Starfsmenn vinna í nánu samstarfi við aðrar deildir Vegagerðarinnar. Norðursvæði nær frá Holtavörðuheiði að Biskupshálsi á Möðrudalsöræfum og upp á miðhálendi. Starfsstöðin er á Akureyri eða Sauðárkróki.

Helstu verkefni og ábyrgð

Hönnun vegamannvirkja, allt frá frumdrögum til verkhönnunar.
Gerð útboðsgagna fyrir ráðgjöf og verklegar framkvæmdir.
Gerð kostnaðaráætlana.
Hönnunarstjórn.
Hönnunarrýni.
Magnreikningar.
Samráð við hagsmunaaðila við undirbúning framkvæmda.

Menntunar- og hæfniskröfur

Verk- eða tæknifræðimenntun, eða önnur menntun sem nýtist í starfi.
Reynsla og kunnátta í notkun teiknikerfa (Cad) æskileg.
Reynsla af hönnun samgöngumannvirkja er æskileg.
Reynsla af verkefnisstjórn er æskileg.
Góð tölvukunnátta.
Skipulagshæfni, frumkvæði og hæfni til að vinna sjálfstætt.
Góð samskiptafærni.
Góð kunnátta í talaðri og ritaðri íslensku og ensku.

Laun samkvæmt gildandi kjarasamningi sem fjármála- og efnahagsráðherra og Verkfræðingafélag Íslands hafa gert.

Áhugasamir einstaklingar, án tillits til kyns, eru hvattir til að sækja um. Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið

Starfshlutfall er 100%

Umsóknarfrestur er til og með 26.05.2026

Nánari upplýsingar veitir

Rúna Ásmundsdóttir, deildarstjóri tæknideildar - [email protected] - 5221000

Auglýsing birt11. maí 2026

Umsóknarfrestur26. maí 2026

Tungumálahæfni