Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknir á Sýkla- og veirufræðideild (SVEID)

Laust er til umsóknar starf sérfræðilæknis á Sýkla- og veirufræðideild Landspítala. Starfshlutfall er 100%, nema að um annað sé samið. Skilyrði er sérfræðiþekking í sýkla- og/ eða veirufræði. Umsækjanda er gefinn kostur á því að helga sig annað hvort sýkla- eða veirufræði eða hvoru tveggja (sem væri æskilegt). Unnið er í dagvinnu og á bakvöktum með viðveru um helgar. Starfið laust eftir samkomulagi.

Sýkla- og veirufræðideild er þjónustu- og tilvísunarrannsóknastofa fyrir Ísland á sviði bakteríu-, veiru-, sveppa- og sníkjudýrafræði. Deildin vinnur með sóttvarnarlækni og öðrum heilbrigðisstofnunum að bættri lýðheilsu og öflun faraldsfræðilegra gagna. Jafnframt sinnir deildin menntun heilbrigðisstarfsfólks og vísindarannsóknum.

Veirufræðihluti deildarinnar er staðsettur í Ármúla 1a, en sýklafræðihlutinn er að mestu leyti staðsettur á lóð Landspítala við Barónsstíg.

Á deildinni starfa um 80 einstaklingar, þar af eru nú átta sérfræðilæknar í tæpum sjö stöðugildum og tveir sérfræðilæknar í tímavinnu. Einn almennur læknir er á deildinni, en til stendur að ráða fleiri.

Menntunar- og hæfniskröfur

Íslenskt sérfræðileyfi í sýkla- og/ eða veirufræði eða uppfyllt skilyrði um íslenskt sérfræðileyfi, sem aflað yrði hið fyrsta

Góð íslensku- og enskukunnátta

Þekking og reynsla af veirufræði og/ eða bakteríu-, sveppa-og sníkjudýrafræði

Þekking og reynsla af gæðastjórnunarkerfi

Hæfni í mannlegum samskiptum

Mikilvægt er að umsækjendur geti unnið sem hluti af teymum, en geti líka starfað sjálfstætt að verkefnum.

Þekking og reynsla af gæða-, öryggis- og umbótastarfi er æskileg

Reynsla af kennslu og vísindastörfum er æskileg kostur

Helstu verkefni og ábyrgð

Almenn sérfræðilæknisstörf á Sýkla- og veirufræðideild

Þátttaka í faglegri umsjón sérfræðilækna með starfseiningum deildarinnar

Val, þróun og innleiðing nýrra rannsókna/ greiningaaðferða í samráði við yfirlækni og aðra stjórnendur

Frumkvæði og þátttaka í gæðastjórnun

Túlkun og staðfesting rannsóknarniðurstaðna

Almenn ráðgjöf á sviði sýkla- og veirufræði til starfsfólks Landspítala og til annarra stofnana og fagaðila

Þátttaka í vöktum sérfræðilækna (bakvaktir með viðveru á hátíðisdögum og um helgar)

Kennsla og leiðsögn í faginu fyrir heilbrigðisstarfsfólk og nema

Þátttaka í vísindarannsóknum tengdum viðkomandi sérgreinum er æskileg

Önnur verkefni sem taka mið af þekkingu og reynslu viðkomandi

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, vísindavinnu, gæðavinnu og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sérfræðilæknir

Tungumálahæfni: Íslenska 4/5, enska 4/5

Nánari upplýsingar

Guðrún Svanborg Hauksdóttir, [email protected],

Sýkla-og veirufræðideild, Barónsstíg

Hringbraut

101 Reykjavík

Auglýsing birt25. ágúst 2025

Umsóknarfrestur17. september 2025

Tungumálahæfni

Íslenska

Nauðsyn

Mjög góð

Enska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (41)

Sjúkraliðar á hjarta-, lungna-, augnskurðdeild og nýrnalækningadeild