Laus störf Hæfnileit Vinnustaðir Námskeið

Attentus

Attentus er fyrirtæki sem var stofnað árið 2007 og veitir þjónustu og ráðgjöf um allt sem snýr að rekstri út frá áherslum mannauðsstjórnunar. Þjónustan byggir á fagþekkingu, reynslu og metnaði. Lögð er áhersla á einfaldar og skilvirkar leiðir sem stuðla að rekstrarárangri og starfsánægju.

Vinnustaðurinn

Sálfræðingur

Attentus leitar að metnaðarfullum og framtakssömum sálfræðingi til að styrkja teymið okkar. Starfið sameinar klíníska vinnu, mannauðstengda ráðgjöf og áframhaldandi þróun sálfræðiráðgjafar Attentus. Þetta er einstakt tækifæri fyrir sálfræðing sem vill hafa áhrif við valdeflingu einstaklinga og stuðla að heilbrigðu starfsumhverfi íslenskra fyrirtækja og stofnana.

Helstu verkefni og ábyrgð

Sálfræðiráðgjöf, klínísk greining og meðferð fyrir fullorðna
Fyrirlestrar, erindi og vinnustofur um sálfræðitengd málefni
Ráðgjöf og handleiðsla til starfsmanna og stjórnenda
Úttektir og greiningar, t.d. vegna erfiðra samskipta á vinnustað, eineltis, áreitni, ofbeldis á vinnustöðum.
Sáttameðferð
Þátttaka í stefnumótun og þróun sálfræðiráðgjafar Attentus

Menntunar- og hæfniskröfur

Íslenskt starfsleyfi sem sálfræðingur er skilyrði
Þekking og reynsla af gagnreyndum meðferðarleiðum s.s. hugrænni atferlismeðferð er skilyrði
Reynsla af mannauðsmálum er mikill kostur
Góð tölvufærni
Góð færni í framkomu og þekkingarmiðlun
Mjög góð samvinnufærni og lausnamiðuð nálgun
Nákvæmni, frumkvæði og sjálfstæði í vinnubrögðum
Rík þjónustulund og vönduð framkoma
Góð færni í íslensku og ensku, bæði í rit- og talmáli, auk hæfni í textagerð

Um Attentus og sálfræðiráðgjöfina

Attentus veitir þjónustu og ráðgjöf varðandi allt sem snýr að rekstri út frá áherslum mannauðsstjórnunar. Þjónustan byggir á fagþekkingu, reynslu og metnaði. Við leggjum áherslu á einfaldar og skilvirkar leiðir sem stuðla að rekstrarárangri og starfsánægju.

Sálfræðiráðgjöf Attentus er miðuð að atvinnulífinu og er hugsuð fyrir fyrirtæki sem vilja bjóða starfsfólki sínu aðgang að sálfræðimeðferð. Einnig halda sálfræðingar fyrirlestra, erindi og vinnustofur um sálfræðitengd málefni.

Starfsfólk Attentus hefur fjölbreyttan bakgrunn og ólíka reynslu sem myndar öflugt teymi. Áhersla er lögð á náið samstarf við viðskiptavini, þar sem góður stuðningur við innleiðingu og eftirfylgni tryggir góðan árangur.

Vinnuumhverfið okkar

Attentus býður upp á sveigjanlegt vinnuumhverfi þar sem starfsfólk hefur tækifæri til að vinna að fjölbreyttum verkefnum og kynnast mismunandi atvinnugreinum á íslenskum vinnumarkaði um allt land. Verkefnin eru fjölbreytt, krefjandi og faglega uppbyggjandi.

Nánari upplýsingar um starfið veitir Helga Lára Haarde, [email protected]

Auglýsing birt14. janúar 2026

Umsóknarfrestur29. janúar 2026

Tungumálahæfni