Rekstur rafveitna á Þjórsársvæði

Starfið tilheyrir sviði vatnsafls og gegnir mikilvægu hlutverki við að tryggja öruggan og áreiðanlegan rekstur raforkukerfa. Í starfinu felst umsjón með svæðisveitu, rofastjórnun og tæknilegri skjölun. Jafnframt verður viðkomandi fulltrúi ábyrgðarmanns Rafmagnsöryggisstjórnunarkerfis (RÖSK) á svæðinu og tekur þátt í að viðhalda og efla öryggismenningu Landsvirkjunar. Við leitum að einstaklingi sem býr yfir góðri fagþekkingu, sýnir frumkvæði og leggur áherslu á öryggi, gæði og gott samstarf.

Starfsstöð er í Búrfelli, Þjórsársvæði.

Helstu verkefni:

• Umsjón með rofastjórnun á starfssvæðinu, þar á meðal í vindlundi við Vaðöldu.
• Umsjón með rekstri og viðhaldi rafveitu á svæðinu.
• Umsjón með teikningum, tæknigögnum og annarri tæknilegri skjölun sem tengist rafveitunni.
• Viðhald, endurskoðun og gerð leiðbeininga og gátlista.

Hæfni:

• Menntun á sviði rafmagns sem nýtist í starfi.
• Reynsla af rekstri og viðhaldi háspennukerfa.
• Góð þekking á stjórn- og varnarbúnaði raforkukerfa.
• Reynsla af bilanagreiningu á rafbúnaði.
• Jákvæðni og góð samskipta- og samstarfshæfni.
• Sjálfstæði í starfi og skipulögð vinnubrögð.

Umsókninni skal fylgja starfsferilskrá og kynningarbréf þar sem gerð er grein fyrir reynslu, hæfni og hvað kveikir áhuga á starfinu.