Rafmagnsverkfræðingur eða rafmagnstæknifræðingur á Iðnaðarsvið

Á Iðnaðarsviði Verkís vinnum við að hönnun og þróun rafkerfa og aflfæðinga fyrir fjölbreyttan iðnað. Við erum öflugt teymi sérfræðinga sem sameinar reynslu, frumkvæði og þekkingu í verkefnum sem spanna allt frá hugmyndastigi til uppsetningar á verkstað.

Nú leitum við að rafmagnsverkfræðingi eða rafmagnstæknifræðingi til liðs við okkur til að vinna að áhugaverðum verkefnum s.s:

• Hönnun rafkerfa, aflfæðinga, flutnings- og dreifikerfi raforku fyrir fjölbreyttan iðnað m.a. fiskeldi, lyfjaiðnað, matvælaiðnað og gagnaver.
• Frumathuganir, valkostagreiningar, útboðshönnun og yfirferð á hönnun verktaka.
• Þátttaka í útboðum, ráðgjöf og eftirliti með uppsetningu búnaðar á verkstað.
• Prófunum og gangsetningar kerfa á verkstað.

Við leitum að einstaklingi sem hefur heiðarleika, metnað og frumkvæði að leiðarljósi ásamt því að vera lausnamiðaður, skipulagður og sterkur í teymisvinnu. Viðkomandi fær tækifæri til að þróa sína sérþekkingu í samstarfi við öflugan hóp fagfólks sem leggur áherslu á að miðla og afla sér nýrrar þekkingar.