Ráðgjafar í upplýsingaöryggisstjórnun

Syndis leitar að ráðgjöfum í upplýsingaöryggi sem vilja vinna með fjölbreyttum viðskiptavinum að því að styrkja stjórnun upplýsingaöryggis, uppfylla kröfur staðla og reglugerða, og efla viðnámsþrótt fyrirtækja gagnvart netógnum.

Í starfinu felst fagleg ráðgjöf til stjórnenda og annarra lykilstarfsmanna. Ráðgjafi greinir m.a. þarfir viðskiptavina, leggur fram skýrar tillögur og leiðir verkefni frá upphafi til enda.

Við leitum að manneskju með yfirgripsmikla þekkingu á upplýsingaöryggismálum, með góða samskiptahæfni, og hefur mikinn áhuga á tækni og síbreytilegu öryggisumhverfi.

Við leitum að einstaklingi sem:

• Hefur reynslu af upplýsingaöryggisstjórn eða -ráðgjöf
• Hefur viðeigandi háskólamenntun
• Hefur mikla þekkingu á helstu upplýsingaöryggisstöðlum og -reglugerðum, t.d. ISO 27001, NIS2 og/eða DORA
• Hefur framúrskarandi samskiptahæfni og lausnamiðaða hugsun
• Sýnir frumkvæði, vandvirkni og aga í vinnubrögðum
• Hefur mikinn áhuga á tækni og netöryggismálum
• Hefur gott vald á íslensku og ensku, bæði töluðu og rituðu máli

Hlutverk þitt væri að:

• Ráðleggja viðskiptavinum um stjórnun upplýsingaöryggis og hlítingu við staðla og reglugerðir
• Byggja upp og viðhalda faglegu sambandi við viðskiptavini
• Vera viðskiptavinum innan handar við val og útfærslu á öryggisstýringum og öryggislausnum
• Framkvæma ýmsar úttektir og verk sbr. dæmi hér að neðan

Dæmi um verkefni geta verið:

• Uppbygging og viðhald stjórnkerfis upplýsingaöryggis fyrirtækja
• Leiða vinnu við úttektir og gloppugreiningar, t.d. vegna NIS2, ISO 27001 og DORA
• Ráðgjöf vegna viðbragðsáætlana
• Atvikastjórnun
• Framkvæmd áhættumata og áhrifagreininga reksturs (BIA)
• Stýra sviðsmyndaæfingum fyrir stjórnendur fyrirtækja
• Halda kynningar og vitundarnámskeið

Fríðindi í starfi:

• Sveigjanleiki í starfi
• Fyrsta flokks mötuneyti
• Fríðindi tengd fæðingarorlofi
• Öflugt félagslíf
• Líkamsræktaraðstaða
• Íþróttastyrkur, samgöngustyrkur o.fl. fríðindi

Um Syndis

Syndis er leiðandi fyrirtæki í upplýsingaöryggi sem sérhæfir sig í öryggislausnum og ráðgjöf á alþjóðamarkað. Fyrirtækið er í örum vexti og starfa þar nú yfir 70 öryggissérfræðingar bæði hér á landi og erlendis. Höfuðstöðvar Syndis eru í Borgartúni 37 í Reykjavík en við erum einnig með starfsstöðvar í Svíþjóð (Stokkhólmi) og Póllandi.

Við bjóðum upp á inngildandi vinnustað, fyrsta flokks félagslíf, samkeppnishæf kjör og mjög góð starfsmannafríðindi. Vinnuumhverfið er fjölskylduvænt, vinnutíminn sveigjanlegur, heimavinna eftir hentisemi og góður stuðningur við þróun í starfi og endurmenntun.

Erum við að leita að þér?

Ef þér finnst hlutverkið sem um ræðir spennandi, sendu okkur endilega umsókn með ferilskrá og kynningarbréfi. Sótt er um starfið á starfavef Syndis. Umsóknarfrestur er til 19. janúar.

Allar umsóknir og fyrirspurnir verða meðhöndlaðar sem trúnaðarmál og þeim svarað. Upplýsingar um starfið veita Guðrún Valdís Jónsdóttir, forstöðumaður ráðgjafasviðs ([email protected]) og Eva Demireva, mannauðsstjóri ([email protected]).