Hofsstaðaskóli Garðabæ

Náms-og starfsráðgjafi óskast í Hofsstaðaskóla

Staða náms- og starfsráðgjafa í Hofsstaðaskóla er laus frá hausti 2025 til vors 2026. Í skólanum eru um 450 nemendur í 1. - 7. bekk og þar starfa um 90 starfsmenn með það að markmiði að hlúa að nemendum námslega og félagslega og koma til móts við áhuga þeirra og getu.
Í skólanum fer fram metnaðarfullt starf sem er í stöðugri þróun. Kennsluhættir eru fjölbreyttir og vellíðan nemenda í fyrirrúmi í anda menntastefnu Garðabæjar. Læsi skipar stóran sess og þjónusta við nemendur með sérþarfir er öflug. Nánari upplýsingar um skólann má finna á vefsíðunni www.hofsstadaskoli.is

Helstu verkefni og ábyrgð

Að standa vörð um nám og velferð nemenda
Að veita ráðgjöf varðandi nám, námstækni og námsvenjur
Að vera trúnaðarmaður og talsmaður nemenda
Að sitja í nemendaverndarráði og vinna með öðrum fagaðilum
Að stýra samskiptateymi skólans og vinna með samskiptamál
Að taka þátt í forvarnarverkefnum skólans
Að veita ráðgjöf og fræðslu um náms- og starfsval

Menntunar- og hæfniskröfur

Starfsréttindi sem náms- og starfsráðgjafi
Reynsla af námsráðgjöf og starfi með börnum er æskileg
Áhugi á og þekking á vinnu með félagsfærni nemenda
Mikil hæfni í mannlegum samskiptum
Íslenskukunnátta á stigi C1 skv. evrópska tungumálarammanum
Frumkvæði og sjálfstæð vinnubrögð
Ábyrgðarkennd, sveigjanleiki og skipulagshæfileikar
Faglegur metnaður

Umsóknarfrestur er til 2. júní 2025. Ráðið er í starfið frá september 2025 eða eftir samkomulagi. Ráðning er tímabundin til eins árs.
Nánari upplýsingar um starfið veita Hafdís Bára Kristmundsdóttir skólastjóri og Margrét Einarsdóttir aðstoðarskólastjóri. Sími Hofsstaðaskóla er 590-8100 og netfang: [email protected]
Starfsmenn sveitarfélagsins fá hreyfistyrk, frítt í sund, á bókasafn Garðabæjar og Hönnunarsafn Íslands. Þá hefur starfsfólk í skólum Garðabæjar möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi skóla bæjarins.
Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags/Kennarasambands Íslands. Áhugasamir einstaklingar, án tillits til kyns, eru hvattir til að sækja um.
Umsókn um starfið skal fylgja kynningarbréf og starfsferilskrá. Í kynningarbréfi skal gera grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila.

Auglýsing birt14. maí 2025

Umsóknarfrestur2. júní 2025

Tungumálahæfni