Laus störf Hæfnileit Vinnustaðir Námskeið

Heilsugæsla Höfuðborgarsvæðisins

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu. Einnig sjáum við um sérþjónustustöðvarnar: Heimahjúkrun í Hafnarfirði, Garðabæ, Kópavogi og Mosfellsumdæmi, Geðheilsumiðstöð barna, Göngudeild sóttvarna, Geðheilsuteymi HH austur, Geðheilsuteymi HH vestur, Geðheilsuteymi HH suður, Geðheilsuteymi Taugaþroskaraskanna, Geðheilsuteymi fangelsa, Geðheilsuteymi ADHD fullorðinna, Samhæfingastöð krabbameinsskimanna, Upplýsingamiðstöð, Þróunarmiðstöð íslenskrar heilsugæslu auk stoðþjónustu á skrifstofu. Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar. Heilsugæsla höfuðborgarsvæðisins hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín. Starfsfólk heilsugæslunnar vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan byggir á sérþekkingu og víðtæku þverfaglegu samstarfi.

Vinnustaðurinn

Meðferðaraðili - Geðheilsumiðstöð barna HH

Hefur þú áhuga á að styðja við tengslamyndun foreldra og barna frá 0-5 ára?

Heilsugæsla höfuðborgarsvæðisins leitar að meðferðaraðila til starfa í fjölskylduteymi 0-5 ára hjá Geðheilsumiðstöð barna.

Geðheilsumiðstöð barna (GMB) veitir 2. stigs heilbrigðisþjónustu á landsvísu fyrir fjölskyldur með börn frá meðgöngu að 18 ára aldri. Miðstöðin sinnir greiningu, ráðgjöf og meðferð vegna geð- og þroskavanda barna og unglinga ásamt því að styðja við tengslamyndun foreldra og barna frá 0-5 ára. Starfshópur GMB er þverfaglegur og vinnur eftir markvissu skipulagi með fagleg gæði að leiðarljósi. Áhersla er á gott viðmót og fjölskyldumiðaða þjónustu. GMB á reglulegt samstarf við þjónustuveitendur víðsvegar um landið og sinnir starfsþjálfun háskólanema á sviðinu.

Um er að ræða 80-100% ótímabundið starf, ráðið er í starfið frá 1. maí nk. eða eftir nánara samkomulagi.

Helstu verkefni og ábyrgð

Fjölskylduteymi 0-5 ára veitir snemmtækan, samþættan stuðning við börn og fjölskyldur þeirra með það að markmiði að efla tengsl, foreldranæmi og andlega velferð barna og fjölskyldna þeirra. Unnið er út frá tengslamiðaðri nálgun með börn og foreldra/forsjáraðila, með farsæld fjölskyldunnar að leiðarljósi. Meðferðaraðili starfar í þverfaglegu teymi og er fjölskylduvinna einn lykilþátta starfsins. Meðferðaraðili tekur einnig virkan þátt í umbótastarfi og þróun þjónustu.

Menntunar- og hæfniskröfur

Löggilt háskólanám af heilbrigðis- eða félagsvísindasviði skilyrði, t.d. í félagsráðgjöf, fjölskyldufræði, sálfræði, hjúkrun eða sambærilegu námi
Framhaldsmenntun í fjölskyldumeðferð eða sambærilegri tengslamiðaðri meðferð kostur
Reynsla af meðferðarvinnu skilyrði
Reynsla af þverfaglegri teymisvinnu kostur
Reynsla af hópmeðferð eða námskeiðshaldi fyrir foreldra kostur
Hlýlegt viðmót og góð hæfni í mannlegum samskiptum
Faglegur metnaður
Sjálfstæði, frumkvæði, skipulagshæfni og öguð vinnubrögð
Hæfni til að veita meðferð í flóknum aðstæðum og lausnamiðuð nálgun
Áhugi og vilji til að starfa í þverfaglegu teymi
Góð almenn tölvukunnátta
Góð íslenskukunnátta
Góð almenn enskukunnátta