Mannauðssérfræðingur

Langar þig að starfa í alþjóðlegu umhverfi þar sem mannauðsmál snúast um fólk, traust og raunveruleg áhrif?

Eimskip leitar að reynslumiklum og öflugum mannauðssérfræðingi sem hefur brennandi áhuga á góðri þjónustu, faglegum vinnubrögðum og öflugu samstarfi.

Starfið er hluti af Mannauðs- og samskiptasviði Eimskips, sem starfar þvert á samstæðuna og sinnir mannauðs-, fræðslu-, launa-, samskipta- og markaðsmálum í kraftmiklu og fjölbreyttu starfsumhverfi þar sem gildin liðsheild, framsækni, áreiðanleiki og virðing eru leiðarljós í daglegu starfi.

Hvað munt þú gera í starfinu?

• Sinna daglegum mannauðsmálum í nánu samstarfi við mannauðsteymið
• Veita ráðgjöf og stuðning til stjórnenda og starfsfólks
• Stýra ráðningum – frá auglýsingu til ráðningar
• Vera í virkum samskiptum við starfsfólk varðandi réttindi, ferla og stoðþjónustu
• Taka þátt í innleiðingu og þróun mannauðsferla og kerfa
• Koma að fræðsluverkefnum og þróun menningar, samskipta og innra samstarfs
• Vinna að skýrslugerð, greiningum og stefnumótun mannauðsmála
• Taka þátt í öðrum fjölbreyttum verkefnum eftir þörfum

Hverju leitum við að?

Við leitum að einstaklingi sem:

• Hefur menntun á sviði mannauðsstjórnunar eða í tengdum greinum
• Hefur yfirgripsmikla reynslu af mannauðsmálum og góða þekkingu á helstu ferlum
• Er skipulagður, sjálfstæður og sýnir frumkvæði
• Á auðvelt með samskipti, hefur ríka þjónustulund og vinnur vel með ólíkum hópum
• Býr yfir góðri íslensku- og enskukunnáttu í ræðu og riti
• Er tölvulæs og fljótur að tileinka sér ný kerfi

Hvað færðu í staðinn?

• Öflugt starfsmannafélag og aðgang að orlofshúsum víðs vegar um landið
• Heilsu- og hamingjupakka sem m.a. inniheldur samgöngustyrk, líkamsræktarstyrk, styrk fyrir sálfræðiþjónustu og krabbameinsskoðun
• Aðgang að góðu mötuneyti með niðurgreiddum mat
• Farsímaáskrift og nettengingu heima
• Nútímalega vinnuaðstöðu og sveigjanlegt, fjölskylduvænt vinnuumhverfi