Launaráðgjafi

Launaskrifstofa mannauðs- og starfsumhverfissviðs Reykjavíkurborgar leitar að nákvæmum og traustum liðsfélaga með góða greiningarhæfni og samskiptalipurð. Leitað er að einstaklingi sem leggur áherslu á vönduð og fagleg vinnubrögð, hefur áhuga á tæknilausnum og sjálfvirknivæðingu og veitir stjórnendum og mannauðsráðgjöfum faglegan og áreiðanlegan stuðning í launa- og kjaramálum.

Launaskrifstofan sinnir launavinnslu fyrir Reykjavíkurborg og gegnir lykilhlutverki í að tryggja rétta, örugga og skilvirka meðhöndlun launa- og launatengdra gagna. Starfið felur í sér fjölbreytt verkefni þar sem fagleg þekking á launamálum, góð tæknikunnátta og lausnamiðuð hugsun fara saman.

Starfið er staðsett í Ráðhúsi Reykjavíkur.