Lyfja Heyrn - þjónustulipur liðsfélagi
Lyfja Heyrn sérhæfir sig í að verja, mæla og bæta heyrn með framúrskarandi þjónustu heyrnarfræðings og sérþjálfaðs starfsfólks. Við leitum að áhugasömum aðila í 50% hlutastarf við sölu og þjónustu í glæsilega verslun okkar í Lágmúla. Þetta er kjörið tækifæri fyrir jákvæða manneskju sem vill læra og vaxa með okkur. Hægt er að bæta við vöktum í apótekum Lyfju fyrir þau sem það vilja.
Hvað felst í starfinu?
- Taka á móti viðskiptavinum, leiðbeina, veita ráðgjöf og sinna einföldum heyrnarmælingum. Þú ert fyrsti viðmælandi margra sem leita upplýsinga og stuðnings
- Tímabókanir og stuðningur við heyrnarfræðing
- Undirbúa heyrnartæki, almenn afgreiðsla og vera virkur þátttakandi í að skapa góða upplifun viðskiptavina
Hver ert þú?
- Þú nýtur þess að eiga góð samskipti við fólk og veita aðstoð
- Áreiðanleiki, metnaður og skipulögð vinnubrögð
- Góð almenn tölvukunnátta og færni í að leiðbeina öðrum í notkun á öppum og heyrnartengdum hugbúnaði
- Áhugi á heilsu og vellíðan. Reynsla af þjónustustörfum er kostur
Opnunartími okkar er frá kl. 9-17 alla virka daga. Um er að ræða 50% hlutastarf og vinnutími eftir samkomulagi.
Nánari upplýsingar veitir Brynja Bjarnfjörð Magnúsdóttir heyrnartæknir og umsjónarmaður verslunar, [email protected]
Farið verður með allar umsóknir og fyrirspurnir sem trúnaðarmál.
Hvers vegna Lyfja Heyrn?
Lyfja Heyrn er fyrsta verslun sinnar tegundar á Íslandi þar sem viðskiptavinir geta komið í einfalda og ítarlega heyrnarmælingu, skoðað og prófað heyrnartæki, stuðningsvörur heyrnartækja og fyrirbyggjandi lausnir fyrir heyrn með aðgengi að sérfræðiráðgjöf heyrnarfræðinga og sérþjálfaðs starfsfólks.
Okkar markmið er að breyta upplifun, þjónustu og vegferð viðskiptavina sem glíma við heyrnarskerðingu ásamt því að veita lausnir og faglega ráðgjöf á vörum sem vernda heyrn.
Við leggjum áherslu á að skapa eftirsóknarverðan vinnustað þar sem góður starfsandi, hæfni og þekking starfsfólks nýtist sem best. Við bjóðum upp á faglega fræðslu og leggjum áherslu á jafna möguleika til starfsþróunar. Auk þess styðjum við starfsfólk og viðskiptavini á sinni heilsuvegferð og leggjum áherslu á sveigjanleika og jafnvægi vinnu og einkalífs.
