Laus störf Hæfnileit Vinnustaðir Námskeið

Lindaskóli

Lindaskóli er heildstæður grunnskóli fyrir börn frá 1. – 10. Bekk og er staðsettur við Núpalind 7. Gildi Lindaskóla eru vinátta, virðing, viska og eiga þau að vera rauði þráðurinn í öllu starfi skólans. Í Lindaskóla er nemandinn í forgrunni í öllu skólastarfi. Leitast er við að skapa nemendum námsumhverfi þar sem hlúð er að hverjum einstaklingi og mismunandi þörfum þeirra. Í skólastarfinu er lögð áhersla á að allir nemendur fái nám við sitt hæfi. Lindaskóli leggur árherslu á að ná þessu markmiði með jákvæðu viðmóti og virðingu fyrir einstaklingnum Stefna Lindaskóla er velgengi í skólastarfi, fagleg færni og metnaður. Starfsfólk Lindaskóla leggur mikla áherslu á að nemendum líði vel í skólanum og að nemendur leggi sig fram við námið og þau markmið og gildi sem skólinn setur sér.

Vinnustaðurinn

Lindaskóli óskar eftir dönskukennara skólaárið 2026-2027

Við leitum að áhugasömum og metnaðarfullum kennara til liðs við frábæran hóp starfsfólks í Lindaskóla

Lindaskóli er skemmtilegur og lifandi vinnustaður þar sem lögð er áhersla á metnað í námi, vellíðan nemenda og gott samstarf starfsfólks. Við vinnum í teymum og leggjum áherslu á jákvætt starfsumhverfi, samvinnu og faglega þróun. Skólinn státar einnig af öflugri skemmtinefnd sem stuðlar að góðum starfsanda.

Lindaskóli er heildstæður grunnskóli í Kópavogi. Í skólanum um 450 nemendur í 1. -10. bekk og 90 starfsmenn. Þar ríkir góður starfsandi og vinnuaðstæður eru góðar. Lindaskóli leggur rækt við listir og menningu í skólastarfinu. Hann leggur jafnframt áherslu á umhverfismennt og er Réttindaskóli UNICEF. Virk heilsuefling er eitt einkenna skólans og hefur til margra ára verið í forystusveit skóla sem hafa tekið þátt í Skólahreysti. Mikil og góð samvinna er milli skólans og heimila í nærumhverfinu. Mikil áhersla er lögð á upplýsingatækni og fjölbreytta kennsluhætti.

Gildi Lindaskóla eru Vinátta, Virðing, Viska.

Menntunar- og hæfniskröfur

Kennaramenntun og réttindi til kennslu
Reynsla af dönskukennslu á unglingastigi æskileg
Góð þekking á Mentor, upplýsingatækni og notkun rafrænna miðla í kennslu og starfi
Frumkvæði og metnaður í vinnubrögðum
Jákvæðni og áhugi á að starfa í skapandi umhverfi
Stundvísi og samviskusemi

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Bent er á að samkvæmt lögum verða allir umsækjendur sem ráðnir eru í grunnskólum Kópavogsbæjar að gefa heimild til upplýsingaöflunar úr sakaskrá.

Ráðið er í starfið frá 1. ágúst 2026.

Nánari upplýsingar um starfið gefur Margrét Ármann skólastjóri, [email protected]

Eingöngu er tekið við umsóknum í gegnum ráðningarvef alferd.is

Auglýsing birt14. apríl 2026

UmsóknarfresturEnginn

Tungumálahæfni