Laus störf Hæfnileit Vinnustaðir Námskeið

Fagrabrekka

Leikskólinn Fagrabrekka er fjögra deilda leikskóli þar sem dvelja um 70 börn. Leikskólinn starfar eftir hugmyndafræði Reggio Emilia en mikil áhersla er lögð á að börnin læri af reynslu. Leikskólinn hefur sett þau markmið bæði börn og starfsfólk beri virðingu fyrir sjálfum sér og öðrum og að sýna gleði og frumkvæði í leik og starfi. Í Fögrubrekku reynum við að láta börnin fylgja sínum hóp, bæði börnum og kennurum, í gegnum skólagönguna. Það stuðlar að því að börnin mynda sterk tengsl bæði við leikfélaga sína og kennara. Einnig hjálpar þetta við að byggja upp gott samband á milli leikskóla og foreldra, þar sem við kynnumst vel á þeim árum sem börnin eru í leikskólanum.

Vinnustaðurinn

Leikskólakennari óskast

Við leitum að jákvæðum, stundvísum og ábyrgum leikskólakennara til að ganga til liðs við okkar metnaðarfulla og fjölbreytta starfsmannahóp þar sem frumkvæði, vinátta og gleði er við völd á hverjum degi.

Helstu verkefni og ábyrgð

Leikskólakennari:

Vinnur að uppeldi og menntun barnanna.
Tekur þátt í skipulagningu faglegs starfs deildarinnar undir stjórn deildarstjóra.
Tekur þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra.
Vinnur í nánu samstarfi við foreldra/forráðamenn barnanna.
Sinnir þeim verkefnum er varða uppeldi og menntun barnanna sem yfirmaður felur honum.
Starfið felur í sér almenna kennslu.

Menntunar- og hæfniskröfur

Leikskólakennaramenntun og leyfisbréf kennara.
Reynsla af starfi með börnum.
Ábyrgur og jákvæður einstaklingur sem á auðvelt með mannleg samskipti.
Sjálfstæð vinnubrögð.
Framúrskarandi íslenskukunnátta.
Ef ekki fæst leikskólakennari kemur til greina að ráða einstakling með aðra uppeldismenntun eða leiðbeinanda.

Launakjör eru samkvæmt kjarasamningi Sambands íslenskra sveitafélaga og viðeigandi stéttarfélags.

Þau sem eru ráðin til starfa í leikskólum Kópavogs þurfa að undirrita heimild til upplýsingaöflunar úr sakaskrá ásamt trúnaðaryfirlýsingu.

Umsóknarfrestur til og með 23. nóvember 2026. Ráðið verður í stöðurnar eftir samkomulagi.

Tekið verður mið af jafnréttisáætlun Kópavogs og jafnréttislögum við ráðningu í starfið.

Nánari upplýsingar veita Egill Óskarsson leikskólastjóri og Anna Friðriksdóttir aðstoðarleikskólastjóri í síma 4416200 eða [email protected]

Tekið er við umsóknum í gegnum ráðningarvef Alfreðs.

Auglýsing birt9. nóvember 2026

Umsóknarfrestur23. nóvember 2026

Tungumálahæfni