Laus störf Hæfnileit Vinnustaðir Námskeið

Borgarbyggð

Borgarbyggð er fallegt, friðsælt og fjölskylduvænt sveitarfélag á Vesturlandi, í nálægð við allt sem skiptir máli. Við leitum eftir öflugum og drífandi einstaklingum sem sýna metnað og frumkvæði í starfi. Borgarbyggð hefur einsett sér að leggja aukna áherslu á notendamiðaða þjónustuhönnun, tækniframþróun og þjónustu við íbúa og viðskiptavini. Í þeirri vegferð sem er framundan ætlum við að efla þjónustu sveitarfélagsins og vera tilbúin að mæta áskorunum framtíðarinnar. Áhersla verður lögð á þverfaglegt samstarf í verkefnamiðuðu umhverfi og frekari þróun innra starfs sem leiði í senn til framúrskarandi þjónustu og öflugs vinnuumhverfis. Gildi Borgarbyggðar í starfsmannamálum eru: virðing, áreiðanleiki og metnaður sem höfð eru að leiðarsljósi í stefnum og markmiðum í starfi.

Vinnustaðurinn

Leikskólakennari/leiðbeinandi í leikskólanum Klettaborg

Óskað er eftir leikskólakennara/leiðbeinanda í leikskólanum Klettaborg í Borgarnesi
Leitað er að jákvæðum og metnaðarfullum einstaklingi sem er tilbúinn að taka þátt í faglegu leikskólastarfi þar sem þroski og velferð barna er í fyrirrúmi.

Áherslur leikskólans eru á málrækt, skapandi starf, hreyfing og útivera. Framundan er spennandi uppbyggingarstarf og skólaþróun sem felst í því að skólanámskrá leikskólans verður rýnd og tækifæri gefst til að skapa enn kröftugra starf. Einnig er leikskólinn að fara að vinna þróunarverkefnið STEAM og leiðsagnarmat- Þróun námsmenningar.

Einkunnarorð leikskólans eru sjálfstæði, virðing og gleði.

Helstu verkefni og ábyrgð

Leikskólakennari vinnur samkvæmt starfslýsingu leikskólakennara að uppeldi og menntun leikskólabarna, tekur þátt í skipulagningu faglegs starfs og foreldrasamstarfs undir stjórn deildarstjóra. Hann fylgist með nýjungum á sviði kennslu og er virkur þátttakandi í faglegri umræðu leikskólans.

Menntunar- og hæfniskröfur

Kennaramenntun og eða önnur uppeldismenntun
Skýr fagleg sýn
Jákvæðni, frumkvæði og samstarfsvilji
Færni í mannlegum samskiptum
Áhugi, reynsla og hæfni í starfi með börnum
Góðir skipulagshæfileikar
Sjálfstæði og skipulögð vinnubrögð
Góð íslenskukunnátta
Reynsla af uppeldi og menntun leikskólabarna

Fríðindi í starfi

Starfsmenn leikskóla í Borgarbyggð fá 50% afslátt af leikskólagjöldum barna sinna
Heilsustyrkur, afsláttur af árskorti í íþróttamiðstöðvar Borgarbyggðar
36 klst. vinnuvika

Ef ekki fæst leikskólakennari til starfa kemur til greina að ráða einstakling með aðra uppeldismenntun eða leiðbeinanda.

Umsóknir skulu berast í gegnum Alfreð. Umsókn skal fylgja náms- og starfsferilskrá ásamt afriti af prófskírteinum ef við á. Umsókn fylgi einnig kynningarbréf. Eldri umsóknir þarf að endurnýja, öllum umsóknum verður svarað.

Launakjör eru samkvæmt kjarasamningi Sambands íslenskra sveitarfélaga við viðkomandi stéttarfélag. Í samræmi við jafnréttisstefnu Borgarbyggðar hvetjum við áhugasama um að sækja um óháð kyni og uppruna.

Vinnutími: Dagvinna
Starfshlutfall: 100%
Starfsvið: Fjölskyldusvið

Miðað er við að starfsmaður geti hafið störf eftir nánara samkomulagi.

Vakin er athygli á að ef leikskólakennari sækir ekki um kemur til greina að ráða annað háskólamenntað fólk eða leiðbeinendur.

Nánari upplýsingar veitir Margrét Halldóra Gísladóttir leikskólastjóri í síma 433-7160 eða í gegnum netfangið [email protected]

Auglýsing birt11. maí 2026

Umsóknarfrestur20. maí 2026

Tungumálahæfni