Kraftur ehf sem fagnar 60 ára afmæli á árinu hefur verið umboðsaðili fyrir MAN á Íslandi og höfum við upp á að bjóða mikið úrval af vörubílum og rútum. MAN hefur fyrir löngu sannað ágæti sitt við Íslenskar aðstæður. . Við bjóðum einnig upp á götusópa í ýmsum stærðum frá Bucher Municipal, einum þekktasta framleiðanda á þessu sviði. Þá hefur fyrirtækið söluumboð fyrir ZAUGG Ag., sem framleiða m.a. snjóblásara, flugbrautasópa og snjóplóga. Kraftur ehf. hefur, um áratugaskeið, boðið upp á vörubílapalla, vagna og sturtudælur frá MEILLER sem og glussakerfi frá Hyva. Við bjóðum einnig upp á ljósaboga frá Metec, myndavélakerfi frá Orlaco og driflínuhluti frá ZF. Seinni part ársins 2026 mun Kraftur flytja höfuðstöðvar sínar að Álhellu 9 í Hafnarfirði í glænýtt hús sem mun auka þjónustu verkstæðis og varahlutadeildar til muna. Á sama tíma og höfuðstöðvar Krafts flytjast í Hafnarfjörð þá mun Kraftur opna nýtt verkstæði á Vagnhöfða 5 þar sem verður hægt að fá forgreiningu og smurþjónustu fyrir allar tegundir atvinnubifreiða.