Laus störf Hæfnileit Vinnustaðir Námskeið

Skóla- og velferðarþjónusta Árnesþings

Skóla- og velferðarþjónusta Árnesþings er fagleg og samþætt skóla- og velferðarþjónusta með farsæld barna og fjölskyldna að leiðarljósi. Meginstarfsstöð þjónustunnar er í Laugarási en starfssvæðið er víðfeðmt og geta starfsmenn valið starfsstöð á starfssvæðinu í samræmi við verkefni hverju sinni. Á starfssvæðinu eru um 4200 íbúar, þar af 650 börn á leik- og grunnskólaaldri sem sækja nám í 10 leik-og grunnskólum. Tveir þeirra eru samreknir leik- og grunnskólar. Sveitarfélögin sem standa að Skóla- og velferðarþjónustunni eru Bláskógabyggð, Flóahreppur, Grímsnes- og Grafningshreppur, Hrunamannahreppur og Skeiða- og Gnúpverjahreppur og hafa þau flest hlotið viðurkenningu BSRB sem framúrskarandi vinnustaðir.

Vinnustaðurinn

Kennsluráðgjafi

Staða kennsluráðgjafa fyrir leik- og grunnskóla á starfssvæði Skóla- og velferðarþjónustu Árnesþings er laus til umsóknar. Um er að ræða 100% stöðu. Hjá Skóla- og velferðarþjónustu Árnesþings starfar öflug liðsheild sérfræðinga sem vinnur í þverfaglegu teymi þar sem áhersla er lögð á samvinnu, snemmtæka íhlutun og farsæld í þágu barna.

Helstu verkefni og ábyrgð

Ráðgjöf, stuðningur og fræðsla til starfsfólks og skólastjórnenda vegna nemenda í leik- og grunnskólum með fjölbreyttar þarfir
Stuðningur og ráðgjöf um fjölbreyttar og árangursríkar kennsluaðferðir
Ráðgjöf og stuðningur til forráðamanna barna í leik- og grunnskólum
Ráðgjöf um kennslu nemenda með fjölbreyttan tungumála- og menningarbakgrunn
Þverfaglegt samstarf um málefni nemenda í leik- og grunnskólum
Stuðningur við forvarnar- og þróunarstarf skóla m.a. með ráðgjöf við starfsfólk leik- og grunnskóla

Menntunar- og hæfniskröfur

Leyfisbréf kennara
Kennslureynsla í leik- og grunnskóla
Framhaldsnám sem nýtist í starfi æskilegt
Þekking á fjölbreyttum náms- og kennsluaðferðum
Þekking og reynsla af ráðgjöf og stuðning við nemendur varðandi hegðun og líðan
Skipulagshæfni, sjálfstæði og frumkvæði
Þjónustulund og hæfni í mannlegum samskiptum
Góð hæfni til að tjá sig í ræðu og riti

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu. Laun og starfskjör eru samkvæmt kjarasamningi Sambands Íslenskra sveitarfélaga og Skólastjórafélags Íslands. Ráðið verður í stöðuna frá og með 1. ágúst 2026 eða eftir samkomulagi. Nánari upplýsingar veitir Gunnlaug Hartmannsdóttir deildarstjóri skólaþjónustu í síma 4801180.

Auglýsing birt18. maí 2026

Umsóknarfrestur1. júní 2026

Tungumálahæfni