Laus störf Hæfnileit Vinnustaðir Námskeið

Örugg verkfræðistofa ehf

ÖRUGG verkfræðistofa leggur áherslu á að fá til liðs við sig starfsfólk sem er drífandi, lausnamiðað, jákvætt og metnaðarfullt. ÖRUGG skarar fram úr á sínu sviði og það viljum við að starfsfólk okkar geri einnig. ÖRUGG leggur áherslu á að skapa áhugavert og hvetjandi vinnuumhverfi þar sem starfsfólk fær tækifæri til persónulegrar og faglegrar þróunar í starfi. Starfsfólk hefur möguleika á að móta starfið í samræmi við óskir sínar og þarfir. Við bjóðum einnig upp á fjölskylduvænt og sveigjanlegt starfsumhverfi, þar sem stutt er í alla þjónustu og heilsueflingu. Hjá ÖRUGG er öflugt félag starfsfólks sem stendur fyrir fjölmörgum áhugaverðum viðburðum á hverju ári, við allra hæfi. ÖRUGG verkfræðistofa er sérhæfð í brunahönnun, öryggishönnun, áhættugreiningum, öryggis- og umhverfisstjórnun, vinnuvernd, BIM, viðbragðsmálum og vindgreiningum. Hjá fyrirtækinu starfar öflugur hópur sérfræðinga með víðtæka reynslu og þekkingu.

Vinnustaðurinn

Hönnuður og ráðgjafi í bruna- og öryggiskerfum

ÖRUGG verkfræðistofa leitar að sérfræðingi í tæknilegum lausnum í bruna- og öryggiskerfum, sem býr yfir reynslu af smáspennukerfum og vill vaxa með okkur í spennandi verkefnum.

Um er að ræða fjölbreytt starf með mikla starfsþróunarmöguleika. Hefur þú brennandi áhuga á öryggismálum og vilt vera hluti af framsæknu teymi öflugustu bruna- og öryggishönnuða landsins?

Hjá Örugg færðu tækifæri til að vinna á lifandi vinnustað með faglega hvatningu og mikla möguleika til þróunar í starfi. Við bjóðum upp á krefjandi verkefni, góðan starfsanda og tækifæri til að móta starfsferil þinn í takt við vöxt fyrirtækisins.

Helstu verkefni og ábyrgð

Hönnun og skilgreining á kröfum smáspennukerfa svo sem öryggiskerfa, myndavélakerfa ofl.
Hönnun og ráðgjöf brunaviðvörunarkerfa og jaðarbúnaðar
Öryggisráðgjöf og hönnun öryggisvarna sem hluti af öryggishönnun mannvirkja
Virknilýsingar bruna- og öryggisviðvörunar
Skilalýsingar og móttökuprófanir
Samskipti við viðskiptavini og þarfagreiningar

Menntunar- og hæfniskröfur

Umsækjandi skal hafa:

Menntun á sviði rafmagnshönnunar
Að lámarki 3ja ára reynslu í hönnun rafmagns- og smáspennukerfa
Góða þekkingu á brunakerfum og skynjaralausnum
Getu til að vinna sjálfstætt og með lausnamiðaða hugsun að leiðarljósi
Öfluga öryggishugsun og áhugi á öryggismálum
Áhugi á að bæta við sig þekkingu í margskonar bruna- og öryggiskerfum

Kostur er að umsækjandi:

Hafi starfsleyfi til hönnunar smáspennukerfa
Hafi reynslu í vinnuvernd

Fríðindi í starfi

Starfsumhverfi

ÖRUGG er með öflugt starfsmannafélag sem heldur fjölbreytta viðburði fyrir starfsfólk og fjölskyldur þess.

Hjá ÖRUGG leggjum við metnað í að skapa fjölskylduvænan vinnustað þar sem sveigjanlegur vinnutími gerir starfsfólki kleift að samræma vinnu og einkalíf á sem bestan hátt. Jákvætt andrúmsloft og sveigjanleg vinnuaðstaða eru hluti af okkar daglega starfsumhverfi.

Um ÖRUGG verkfræðistofu

ÖRUGG verkfræðistofa er leiðandi verkfræðistofa í bruna- og öryggismálum á Íslandi sem byggir á mjög sterkum fræðilegum grunni og praktískum lausnum.

Fyrirtækið leggur metnað sinn í framúrskarandi ráðgjöf og hönnun á sviði öryggismála, brunavarna, vinnuverndar, áhættumats, vindgreiningar, umhverfismála, BIM hönnunar o.fl.

Auglýsing birt14. apríl 2026

Umsóknarfrestur30. apríl 2026

Tungumálahæfni