Hrafnista

Hrafnista er stærsta hjúkrunarheimili landsins og alls eru heimilin átta talsins í fimm sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og með fjölbreyttan bakgrunn. Ef þú hefur áhuga á að bætast í Hrafnistuhópinn skaltu endilega senda inn umsókn, Hlökkum til að heyra frá þér.

Vinnustaðurinn

Hjúkrunardeildarstjóri - Hrafnista Nesvellir

Hrafnista Nesvöllum óskar eftir að ráða hjúkrunardeildarstjóra á nýja 40 íbúa hjúkrunardeild. Framundan eru spennandi tímar á Nesvöllum en í vetur fer heimilið úr einni deild með 60 íbúa í þrjár deildir með samtals 140.Stefnt er á að nýjar deildir verði teknar í notkun undir lok árs og leitum við því að öflugum leiðtoga til taka þátt í þessu krefjandi og jafnframt skemmtilega verkefni með okkur.

Við leitum að jákvæðum, lausnamiðuðum og drífandi leiðtoga sem hefur áhuga á að veita framúrskarandi og faglega þjónustu til handa íbúum heimilisins og aðstandendum þeirra.
Deildarstjóri er hluti af stjórnendahópi Hrafnistu.

Kostur er ef viðkomandi getur hafið störf í haust.

Helstu verkefni og ábyrgð

Deildarstjóri er leiðtogi í hjúkrun og þjónustu við íbúa á hjúkrunardeild.
Dagleg stjórnun og rekstur hjúkrunardeildar
Skipulag á störfum starfsfólks í samræmi við þarfir þjónustuþega
Ábyrgð á faglegri hjúkrun og gæðum í þjónustu
Skipulagning og þróun þjónustu í samvinnu við forstöðumann
Ráðgjöf, samskipti og fræðsla til íbúa og aðstandenda
Þverfagleg teymisvinna innan heimilis og þvert á Hrafnistu

Menntunar- og hæfniskröfur

Íslenskt hjúkrunarleyfi
Reynsla af stjórnun kostur
Reynsla af RAI mælitækinu kostur
Frumkvæði, jákvæðni og faglegur metnaður
Framúrskarandi samskiptahæfileikar

Fríðindi í starfi

Heilsuræktarstyrkur
Samgöngustyrkur með strætó
Stuðningur til framþróunar í formi leyfa á launum og námstyrkja
Við bjóðum upp á jákvæðan og skemmtilegan starfsanda, áhugaverð verkefni og starf sem er í sífelldri þróun.

Hrafnista rekur átta hjúkrunarheimili á höfuðborgarsvæðinu og í Reykjanesbæ. Þau eru Laugarás, Sléttuvegur, Skógarbær, Boðaþing, Ísafold, Hraunvangur, Hlévangur og Nesvellir. Markmið Hrafnistu er að veita framúrskarandi þjónustu til þess að íbúar og aðrir þjónustuþegar upplifi öryggi, traust og vellíðan. Til að styðja við þetta markmið vinnur Hrafnista eftir hugmyndafræði sem lýsir hvaða upplifun, menningu og tilfinningu við viljum skapa bæði fyrir þjónustuþega og starfsfólk. Hugmyndafræðin er hjartað í starfseminni en samhliða er unnið að verkefnum sem ætlað er að bæta starfsumhverfið og þróa þjónustuna. – Einkunnarorð okkar eru að við vinnum á heimili íbúa, þeir búa ekki á vinnustaðnum okkar - Ef þú vilt vinna á vinnustað þar sem áherslur eru m.a. öflugur mannauður, framúrskarandi samskipti, þróun á þjónustu og þar sem nýting og þróun á þjónustueflandi verkfærum eru í brennidepli þá viljum við endilega heyra frá þér.

Allar frekari upplýsingar veitir Þuríður Ingibjörg Elísdóttir ([email protected])

Auglýsing birt24. júní 2025

Umsóknarfrestur6. júlí 2025

Tungumálahæfni