Laus störf Hæfnileit Vinnustaðir Námskeið

Vinnueftirlitið

Hjá Vinnueftirlitinu starfar metnaðarfullur og samheldinn hópur sem leggur áherslu á að ná fram því markmiði að öll komi heil heim úr vinnu. Við leitumst við að vera fyrirmyndarvinnustaður á sviði vinnuverndar og viljum að fagþekking starfsfólks sé eftirsótt til ráðgjafar í íslensku atvinnulífi. Við störfum saman í fagteymum og höfum skilvirka og vandaða stjórnsýslu að leiðarljósi. Vinnueftirlitið býður fjölskylduvænt starfsumhverfi, samkeppnishæf starfskjör og tækifæri til að þróast og þroskast í starfi.

Vinnustaðurinn

Hefur þú reynslu af vinnuvélum og tækjum og vilt vinna á skemmtilegum vinnustað

Við leitum að einstaklingi sem kann vel til verka og hefur viðeigandi menntun og þekkingu þegar kemur að vinnuvélum og tækjum. Við leggjum ríka áherslu á heilbrigða vinnustaðamenningu þar sem áhersla er á góð samskipti og lausnarmiðað og jákvætt hugarfar starfsfólks.

Starfið felst í skoðunum á vinnuvélum og tækjum, mati á öryggi þeirra og ástandi, leiðbeiningum til atvinnurekenda og eftirfylgni með úrbótum. Viðkomandi vinnur bæði sjálfstætt og sem hluti af teymi sérfræðinga sem stuðlar að öruggari vinnustöðum um land allt.

Um er að ræða 100% starf með starfsstöð í Reykjavík eða á Akureyri. Starfssvæðið er að mestu á því landsvæði sem starfstöðin er, en einnig geta komið til verkefni á öðrum landsvæðum. Starfið er fjölbreytt og hentar þeim sem kunna vel við að vera á ferðinni og í beinum samskiptum við fólk.

Helstu verkefni og ábyrgð

Skipulagning og framkvæmd skoðana á skoðunarskyldum vinnuvélum og tækjum, svo sem lyfturum, vinnulyftum, jarðvinnuvélum, krönum og húsalyftum og fl.
Mat á ástandi og öryggi vinnuvéla og tækja.
Skýrslugerð, skráning niðurstaðna og eftirfylgni með fyrirmælum.
Leiðbeiningar til atvinnurekenda og starfsfólks um örugga notkun vinnuvéla og tækja.
Þátttaka í þróun og umbótum á skoðunum og eftirliti.
Framkvæmd verklegra og skriflegra prófa vegna vinnuvélaréttinda.
Önnur tilfallandi verkefni.

Menntunar- og hæfniskröfur

Skilyrt

Iðn- eða háskólamenntun, svo sem á sviði vélvirkjunar, bifvélavirkjunar, rafiðna, vélfræði eða annara greina sem nýtist í starfi skilyrði.
Góð íslenskukunnátta skilyrði.
Gilt ökuskírteini er skilyrði.
Hreint sakavottorð er skilyrði.

Reynsla

Reynsla af vinnu á vinnuvélum og tækjum er kostur.
Reynsla af viðhaldi, viðgerðum eða rekstri vinnuvéla er kostur.
Þekking sem nýtist við skoðanir, greiningu og mat á tækjabúnaði er kostur.
Góð kunnátta í ensku er kostur.
Reynsla af vinnuverndar- og öryggismálum er kostur.

Hæfni

Sýnir fram á sjálfstæð og skipulögð vinnubrögð.
Sýnir fram á nákvæmni og ábyrgð.
Sýnir fram á góða dómgreind.
Sýnir fram á góða samskiptahæfni.
Sýnir fram á getu til að beita lausnarmiðaðri nálgun.
Sýnir fram á hæfni til að vinna bæði sjálfstætt og í teymi.

Við bjóðum fjölbreytt og hagnýtt starf þar sem þú ert mikið á vettvangi og engir tveir dagar eru eins. Þú færð tækifæri til að vinna með reyndu fagfólki, þróast í starfi og leggja þitt af mörkum til að stuðla að öruggum vinnustöðum um land allt.

Laun eru samkvæmt kjarasamningum opinbers starfsfólks. Við bjóðum fjölskylduvænt starfsumhverfi og leggjum áherslu á gott samstarf, fagmennsku og tækifæri til þróunar í starfi.

Umsóknarfrestur er til og með 16. október nk. Umsókn skal fylgja ferilskrá og kynningarbréf. Sýna þarf fram á staðfestingu á menntun auk þess að skila þarf inn sakarvottorði ef af ráðningu verður, eingöngu er tekið á móti umsóknum í gegnum alfred.is

Nánari upplýsingar veita Ægir Ægisson sviðsstjóri svið vinnuvéla ([email protected] ) og Bergrún Lilja Sigurjónsdóttir ([email protected])

Auglýsing birt25. september 2026

Umsóknarfrestur15. október 2026

Tungumálahæfni