Framkvæmdastjóri óskast hjá Rammastúdíó

Rammastúdíó við Ármúla 20 leitar að öflugum og drífandi framkvæmdastjóra til að leiða daglegan rekstur fyrirtækisins. Við leitum að einstaklingi sem vill taka ábyrgð á rekstri og áframhaldandi þróun félagsins, en er jafnframt tilbúinn að taka virkan þátt í daglegum verkefnum.

Framkvæmdastjóri ber ábyrgð á daglegum rekstri Rammastúdíó og vinnur náið með eigendum félagsins að stefnumótun og þróun þess. Starfið felur meðal annars í sér:

• Ábyrgð á daglegum rekstri og skipulagi fyrirtækisins

• Smíðavinna og rammagerð

• Afgreiðslu, sölu og þjónustu við viðskiptavini

• Umsjón með móttöku, skipulagningu og frágangi verkefna

• Stefnumótun og ákvarðanatöku um áframhaldandi þróun félagsins

• Reglulega upplýsingagjöf til eigenda um rekstur og stöðu fyrirtækisins

• Önnur tilfallandi verkefni sem tengjast rekstri fyrirtækisins

Starfið hentar einstaklingi sem vill bera raunverulega ábyrgð á rekstri fyrirtækis og hefur gaman af því að vinna bæði að stærri ákvörðunum og daglegum verkefnum. Við leitum að einstaklingi sem:

• Sýnir frumkvæði, ábyrgð og sjálfstæði í starfi

• Er skipulagður, samviskusamur og lausnamiðaður

• Er þjónustulundaður og á auðvelt með samskipti

• Er handlaginn og hefur gaman af verklegum verkefnum

• Hefur áhuga á rekstri, viðskiptum og þróun fyrirtækja

Ekki er gerð krafa um sérstaka menntun eða reynslu af rammagerð. Núverandi framkvæmdastjóri mun sjá um þjálfun og leiðsögn í rammagerð og öðrum sérhæfðum þáttum starfseminnar.

Við leitum fyrst og fremst að réttum einstaklingi sem er tilbúinn að taka ábyrgð, læra starfsemina og taka þátt í að þróa Rammastúdíó áfram.

Boðið er upp á góð kjör fyrir réttan aðila. Áhugasamir eru hvattir til að senda umsókn og stutta kynningu á sjálfum sér ásamt upplýsingum um fyrri reynslu.