Laus störf Hæfnileit Vinnustaðir Námskeið

Síminn

Síminn er traust og framsækið fyrirtæki á sviði fjarskipta og afþreyinga sem vill laða til sín framúrskarandi starfsfólk. Við erum fjölskylduvænn vinnustaður og leggjum áherslu á sterka liðsheild, hvetjandi starfsumhverfi og tækifæri til starfsþróunar og vaxtar. Hjá okkur hefur þú aðgang að framúrskarandi mötuneyti, fyrsta flokks kaffihúsi ásamt frábæru samstarfsfólki auk þess sem boðið er upp á búningsaðstöðu fyrir starfsfólk. Við viljum hafa gaman í vinnunni og bjóðum reglulega upp á fjölbreytta innanhúss viðburði af ýmsu tagi. Ef þú ert að leita að spennandi verkefnum, frábæru samstarfsfólki og lifandi vinnuumhverfi þá er Síminn góður kostur fyrir þig. Síminn hlaut jafnlaunavottun Jafnréttisstofu árið 2018, fyrst allra fjarskiptafyrirtækja á Íslandi. Í anda jafnréttisstefnu Símans hvetjum við öll kyn til að sækja um hjá Simanum. Gildi Símans eru skapandi, fagleg og árangursdrifin.

Vinnustaðurinn

Forstöðumaður sölu og viðskiptastýringar á fyrirtækjasviði Símans

Vilt þú leiða öflugt sölu- og viðskiptastjórateymi í hraðbreytilegu umhverfi þar sem fjarskiptalausnir, tækni og þjónusta skipta sköpum fyrir rekstur fyrirtækja?
Síminn leitar að metnaðarfullum og drífandi forstöðumanni sölu og viðskiptastýringar á fyrirtækjasviði Símans til að leiða vöxt og styrkja viðskiptasambönd við lykilviðskiptavini á fyrirtækjamarkaði.

Helstu verkefni og ábyrgð

Leiða og þróa sölu- og viðskiptastýringarteymi með skýrum markmiðum og mælanlegum árangri
Móta og framkvæma sölu- og vaxtarstefnu í takt við heildarstefnu fyrirtækisins
Byggja upp og viðhalda sterkum samskiptum við lykilviðskiptavini og samstarfsaðila
Greina markaðstækifæri, samkeppnisumhverfi og nýjar tekjuleiðir
Tryggja skilvirka ferla í sölu, tilboðsgerð, samningsgerð og eftirfylgni
Vinna þvert á deildir t.a.m. tengt markaðsmálum, vörustýringu, þjónustu og tæknireksturs
Fylgja eftir stefnumarkmiðum, árangursmælikvörðum (KPI), söluáætlunum og umbótaverkefnum
Stuðla að sterkri menningu, samheldni og stöðugum umbótum innan teymisins
Önnur tilfallandi verkefni og breytingar tengt umbótum, þróun starfs og starfsumhverfis

Menntunar- og hæfniskröfur

Háskólamenntun sem nýtist í starfi
Reynsla af stjórnun söluteyma og eða viðskiptastýringar á fyrirtækjamarkaði, reynsla úr tækni- eða fjarskiptum kostur
Gott tengslanet, áhugi og þekking á íslensku atvinnulífi
Góð greiningarhæfni og reynsla af því að vinna með gögn og mælikvarða
Þjónustulund og framúrskarandi hæfni í mannlegum samskiptum
Geta til að starfa sem stjórnandi og framkvæmdaaðili sem tekur virkan þátt í sókn
Drifkraftur, fagleg vinnubrögð og lausnamiðuð hugsun
Hæfni til að takast á við breytingar
Góð íslensku- og enskukunnátta, í ræðu og riti

Fríðindi í starfi

Árlegur líkamsræktarstyrkur 
Aðgengi að velferðarþjónustu Heilsuverndar 
Rafmagnsbílastæði, hjólageymslur og búningsaðstaða 
Gleraugnastyrkur 
Afslættir af vörum og þjónustu Símans 
Samgöngustyrkur vegna vistvænna samgangna til og frá vinnu 
Námsstyrkir

Síðan 1906 hefur Síminn tengt heimili og fyrirtæki á Íslandi við umheiminn. Við leggjum áherslu á að veita framúrskarandi þjónustu byggða á fyrsta flokks tækni. Við byggjum á sterkri liðsheild og kunnum að meta jákvætt, árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Sótt er um starfið á vef Símans. Umsóknarfrestur er til og með 15. febrúar 2026.

Nánari upplýsingar veitir [email protected]

Í anda jafnréttisstefnu Símans hvetjum við öll kyn til að sækja um.

Auglýsing birt3. febrúar 2026

Umsóknarfrestur15. febrúar 2026

Tungumálahæfni