Félag atvinnurekenda leitar að framúrskarandi lögfræðingi í afleysingastarf

Félag atvinnurekenda gætir hagsmuna stórra sem smárra aðildarfyrirtækja með því að vera einarður talsmaður viðskiptafrelsis og heilbrigðrar samkeppni. Lögfræðingur félagsins vinnur náið með félagsmönnum og framkvæmdastjóra félagsins að þjónustu og hagsmunagæslu fyrir fyrirtækin. FA leitar að vel menntuðum og metnaðarfullum einstaklingi til að vinna með félaginu við úrlausn þessara verkefna. Um er að ræða afleysingastöðu vegna fæðingarorlofs í 12-13 mánuði og þyrfti viðkomandi að geta hafið störf 1. febrúar 2026.