Deildarstjóri

Deildarstjóri óskast til starfa í leikskjólann Tjörn.

Leikskólinn Tjörn byggir starf sitt á hugmyndafræði Reggio Emilia skólanna. Það sem einkennir Reggio skólana er fyrst og fremst trú á getu barna, og trú á að þau hafi vit og vilja til að taka þátt í og móta það starf sem fram fer í skólanum.

Í Tjörn er lögð áhersla á faglegt starf þar sem einstaklingurinn fær að njóta sín í kærleiksríku umhverfi. Börnin eru hvött til þess að setja orð á tilfinningar. Þau setja sér sjálf markmið og meta sitt eigið nám og færni. Þau eru hvött til sjálfshjálpar eins og að klæða sig sjálf og ganga frá eftir sig því það er mikilvægt að þau fái hlutverk í daglegu starfi. Börnunum er treyst til þess að hafa áhrif á skipulagningu starfsins og hlustað er á skoðanir þeirra.

Einkunnarorð Tjarnar eru:

FRUMKVÆÐI - VINÁTTA - GLEÐI

Deildarstjóri starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla og stefnu viðkomandi sveitarfélags.

Helstu verkefni og ábyrgð

Tekur þátt í gerð skólanámskrár, ársáætlunar, mati á starfsemi leikskólans og þróunarverkefnum undir stjórn leikskólastjóra.
Ber ábyrgð á stjórnun, skipulagningu, framkvæmd og mati starfsins á deildinni
Annast daglega verkstjórn á deildinni og ber ábyrgð á að miðla upplýsingum innan deildarinnar, milli deilda leikskólans og milli leikskólastjóra og deildarinnar.
Ber ábyrgð á og stýrir deildarfundum og skipuleggur undirbúningstíma starfsfólks deildarinnar.
Hefur umsjón með móttöku, þjálfun og leiðsögn nýrra starfsmanna deildarinnar.
Fylgist með að deildin sé búin nauðsynlegum uppeldis- og kennslugögnum í samvinnu við leikskólastjóra.

Menntunar- og hæfniskröfur

Leyfisbréf kennara
Reynsla af uppeldis- og kennslustörfum með ungum börnum æskileg
Lipurð og sveigjanleiki í samskiptum
Frumkvæði í starfi og faglegur metnaður
Færni í samskiptum
Sjálfstæð og skipulögð vinnubrögð
Hreint sakavottorð í samræmi við lög og reglur Reykjavíkurborgar
Íslenska B1 skv. evrópska tungumálarammanum

Hreint sakavottorð í samræmi við lög sem og reglur Reykjavíkurborgar

Fríðindi í starfi

Menningarkort – bókasafnskort
Samgöngustyrkur
Sundkort
36 stunda vinnuvika fyrir fullt starf með möguleikann á að safna fyrir t.d. jólafrí, páskafrí og vetrarfrí
Heilsuræktarstyrkur
Frír matur í hádeginu sem er eldaður frá grunni í eldhúsi skólans af matreiðslumeistara

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Laun eru samkvæmt samningi Reykjavíkurborgar og hlutaðeigandi séttarfélags.

Forsenda ráðningar er að aflað sé upplýsinga frá sakaskrá ríkisins að fengnu upplýstu samþykki umsækjenda í því skyni að uppfylla skilyrði laga og ráðningaraðila fyrir ráðningu í starf.

Starfið er laust frá 6. ágúst 2026 eða eftir samkomulagi.

Nánari upplýsingar um starfið veita Hulda Ásgeirsdóttir leikskólastjóri eða María Worms aðstoðarleikskólastjóri í síma 411-3650 og í tölvupósti [email protected]

Auglýsing birt24. apríl 2026

Umsóknarfrestur5. maí 2026

Tungumálahæfni