Bifvélavirki / handlaginn einstaklingur

Katlatrack leitar að vönum bifvélavirkja, vélvirkja eða handlögnum einstaklingi á verkstæði sitt á Selfossi. Um er að ræða fullt starf í viðgerðum á bílum og tækjum fyrirtækisins ásamt öðrum tilfallandi verkefnum. Viðkomandi þarf að geta unnið sjálfstætt og forgangsraðað verkefnum. Katlatrack er ferðaþjónustufyrirtæki sem gerir út breyttar jeppabifreiðar til jöklaferða ásamt buggy bíla ferðum. Katlatrack er með sitt aðalverkstæði á Selfossi þar sem er góð aðstaða til bílaviðgerða ásamt góðri starfsmannaaðstöðu. En einnig er aðstaða í Vík í Mýrdal þar sem ferðir eru gerðar út. Viðkomandi þarf að vera tilbúinn í einstökum tilfellum að keyra til Víkur til að sinna þar viðhaldi á tækjum eða bílum.