Aðstoðarskólastjóri Hraunvallaskóla

Hraunvallaskóli í Hafnarfirði leitar að árangursdrifnum stjórnanda í starf aðstoðarskólastjóra. Hér gefst kjörið tækifæri fyrir áhugasaman og metnaðarfullan einstakling sem vill taka virkan þátt í þróun og uppbyggingu skólastarfs í skapandi og hlýlegu umhverfi.

Hraunvallaskóli starfar eftir hugmyndafræði opna skólans og er byggingin hönnuð með það í huga. Í kennsluskipulagi er m.a. lögð áhersla á samvinnu nemenda, fjölbreytta kennsluhætti og skapandi skólastarf þar sem kennarar vinna saman í teymum í kennslustundum og við skipulagningu og undirbúning kennslunnar. Nemendur í sama árgangi eru í sameiginlegum umsjónarhópum með sameiginlega umsjónarkennara á sínum heimasvæðum. Dyggðir Hraunvallaskóla eru vinátta – samvinna – ábyrgð.

Umsækjandi þarf að hafa leiðtogahæfileika og góða og víðtæka þekkingu á skólastarfi og metnaðarfulla skólasýn.

Helstu verkefni og ábyrgð:

• Dagleg stjórnun og rekstur skólans í samstarfi við skólastjóra og annað starfsfólk
• Er staðgengill skólastjóra
• Þátttaka í stefnumótun á starfsemi skólans í samræmi við skólastefnu sveitarfélagsins, aðalnámskrá grunnskóla og lög um grunnskóla
• Stuðlar að velferð nemenda í samstarfi við foreldra og annað fagfólk
• Önnur verkefni samkvæmt starfslýsingu

Hæfniskröfur:

• Leyfisbréf sem kennari (leyfisbréf fylgi umsókn)
• Framhaldsmenntun á sviði stjórnunar og/eða uppeldis- eða kennslufræða æskileg
• Þátttaka og reynsla af stjórnun af fjölbreyttu tagi, ekki síst úr grunnskóla.
• Víðtæk kennslureynsla í gunnskóla
• Þekking og/eða reynsla á SMT skólafærni æskileg
• Jákvætt viðmót og góð hæfni í mannlegum samskiptum
• Frumkvæði og sjálfstæði í vinnubrögðum og góðir skipulagshæfileikar
• Þekking og færni á teymisvinnu og teymiskennslu
• Góð íslensku- og enskukunnátta

Umsóknarfrestur er til 10. september 2025.

Greinargóð ferilskrá fylgi umsókn.

Ráðið er í stöðuna frá 1. nóvember ágúst 2025, eða samkvæmt samkomulagi. Nánari upplýsingar um starfið veitir Lars J. Imsland skólastjóri, [email protected] í síma 590 2800.

Laun eru samkvæmt kjarasamningi Sambands íslenskra sveitarfélaga og SÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.