Aðstoðarmatráður í skólamötuneyti 55% afleysingarstaða

Skólamötuneytið á Egilsstöðum auglýsir eftir aðstoðarmatráð í 55% afleysingarstarf í dagvinnu. Unnið er alla virka daga frá kl. 10-14 (4 klst á dag). Starfið er laust nú þegar og verður ráðið amk. fram að áramótum.

Næsti yfirmaður er forstöðukona skólamötuneytisins.

Aðstoðarmatráður starfar í eldhúsi og mötuneyti s.s. við matargerð og þrif. Kemur að framreiðslu og undirbúningi matseldar, vörumóttöku, uppvaski og frágang.

Skólamötuneytið á Egilsstöðum sér um hádegisverð fyrir fimm skóla á Héraði.

Helstu verkefni og ábyrgð

Starfar í mötuneytinu á Egilsstöðum, tekur á móti vörum og gengur frá þeim.
Undirbýr hádegismat m.a. skera niður ávexti, grænmeti og annað meðlæti í samráði við annað starfsfólk.
Aðstoðar við matseld og bakstur þegar þarf.
Sér um frágang og þrif.
Annast daglega ræstingu eldhúss.

Menntunar- og hæfniskröfur

Áhugi á fæði og næringu leik- og grunnskólabarna.
Þekking og reynsla af störfum í eldhúsi eða mötuneyti kostur.
Krafa er um hæfni á þann búnað sem nauðsynlegur er vegna starfsins.
Góð hæfni í mannlegum samskiptum, hæfileiki til samvinnu, sveigjanleika og tillitssemi.
Frumkvæði í starfi, skipulagshæfileikar og sjálfstæð vinnubrögð.
Hreint sakavottorð

Launakjör eru samkvæmt kjarasamningum sveitarfélagsins og viðkomandi stéttarfélags.

Tekið er mið af jafnréttisáætlun Múlaþings við ráðningu hjá sveitafélaginu

Nánari upplýsingar veitir forstöðukona skólamötuneytis Ingiborg Kjerúlf á netfanginu [email protected].

Öllum umsóknum skal fylgja yfirlit yfir nám og/eða fyrri störf og kynningarbréf.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Þeir sem ráðnir eru til starfa hjá félagsþjónustu, skólum og frístund þurfa að veita heimild til að leitað sé upplýsinga úr sakaskrá hjá Ríkissaksóknara. Vinnustaðir Múlaþings eru reyklausir og fjölskylduvænir.

Auglýsing birt15. október 2025

Umsóknarfrestur26. október 2025

Tungumálahæfni