Orkusalan

Hlutverk Orkusölunnar er að framleiða, kaupa og selja rafmagn til heimila, fyrirtækja og stofnana um allt land. Orkusalan er eina fyrirtækið á raforkumarkaði sem hefur kolefnisjafnað bæði rekstur og vinnslu raforku.

About

Sölu- og þjónusturáðgjafi hleðslulausna

Við hjá Orkusölunni leitum að öflugum stuðbolta til að ganga til liðs við hleðsluteymið okkar. Hleðsluþjónusta Orkusölunnar er í miklum vexti og framundan eru spennandi verkefni tengd almennings- og heimahleðslu ásamt hleðslulausnum fyrir fyrirtæki og fjölbýli. Starfið felur í sér mikil samskipti við viðskiptavini, samstarfsaðila og samstarfsfólk innan Orkusölunnar.

Við leitum að einstaklingi sem nýtur þess að vera í samskiptum við fólk og leggur metnað í að veita góða þjónustu. Viðkomandi er skipulögð manneskja, drífandi og á auðvelt með að halda utan um mörg verkefni í einu og fylgja málum eftir frá fyrstu fyrirspurn til virkrar hleðslulausnar.

Helstu verkefni og ábyrgð

Þjónusta, sala og ráðgjöf til viðskiptavina um hleðslulausnir
Umsjón með fyrirspurnum, tilboðum og samningagerð
Samskipti við fyrirtæki, húsfélög og aðra viðskiptavini
Umsjón og eftirfylgni með samningum og viðskiptasamböndum
Eftirfylgni með verkefnum og ábyrgð á góðri þjónustu
Þátttaka í áframhaldandi þróun ferla og þjónustu hleðsluteymis

Menntunar- og hæfniskröfur

Háskólamenntun er kostur en ekki skilyrði
Góðir söluhæfileikar og rík þjónustulund
Framúrskarandi samskipta- og skipulagshæfileikar
Geta til að vinna undir álagi og bera ábyrgð
Reynsla af sölu og þjónustu er kostur
Áhugi á rafbílum, orkuskiptum og tækni er mikill kostur
Góð íslensku- og enskukunnátta
Góð tölvukunnátta

Af hverju Orkusalan?

Hjá Orkusölunni færð þú tækifæri til að taka þátt í uppbyggingu á hleðsluþjónustu sem er mikilvægur hluti af orkuskiptum framtíðarinnar. Þú verður hluti af öflugu og metnaðarfullu hleðsluteymi þar sem verkefnin eru fjölbreytt, þróunin hröð og stutt er á milli hugmynda og framkvæmda. Við viljum gera hleðslu einfaldari, aðgengilegri og þægilegri fyrir viðskiptavini okkar – hvort sem um er að ræða heimili, fjölbýli, fyrirtæki eða almenna hleðslu.

Hjá Orkusölunni starfa um 30 einstaklingar. Félagið er með skrifstofur í Kópavogi og á Akureyri. Við vinnum af fagmennsku og heilindum, leitum stöðugt leiða til að vaxa og nýta tækifæri til nýsköpunar, og leggjum áherslu á jákvætt, hvetjandi starfsumhverfi þar sem gleðin fær að njóta sín.

Orkusalan er skemmtilegur og sveigjanlegur vinnustaður þar sem mikið er lagt upp úr sjálfstæðum vinnubrögðum, góðum starfsanda og liðsheild. Ef þú vilt kynnast starfsfólki Orkusölunnar betur þá mælum við með að skoða Stuðprófílana okkar: www.orkusalan.is

Nánari upplýsingar

Þórdís Sif Arnarsdóttir – [email protected]

Advertisement published3. October 2026

Application deadline16. October 2026

Language skills