Gæða- og eftirlitsstofnun velferðarmála

Gæða- og eftirlitsstofnun hefur eftirlit með gæðum þjónustu sem veitt er m.a. á grundvelli barnaverndarlaga, laga um Barna- og fjölskyldustofu, laga um félagsþjónustu sveitarfélaga, laga um þjónustu við fatlað fólk með langvarandi stuðningsþarfir, laga um málefni aldraðra, laga um Ráðgjafar- og greiningarstöð, laga um þjónustu- og þekkingarmiðstöð fyrir blinda, sjónskerta og einstaklinga með samþætta sjón- og heyrnarskerðingu og laga um samþættingu þjónustu í þágu farsældar barna. Hjá GEV starfar metnaðarfullur og lífsglaður hópur sérfræðinga sem hefur ástríðu fyrir málaflokknum.

About

Rekstrarstjóri

Gæða- og eftirlitsstofnun velferðarmála (GEV) auglýsir eftir rekstrarstjóra teymis þróunar og rekstrar hjá stofnununni. Um er að ræða krefjandi og spennandi stjórnunar- og leiðtogastarf í nýju skipulagi stofnunarinnar. Rekstrarstjóri situr í stjórnendateymi og framkvæmdaráði GEV og er ritari ráðsins.

Leitað er að metnaðarfullum, jákvæðum og öguðum einstaklingi sem býr yfir þjónustuhugsun, sem er tilbúinn til að vera í leiðandi hlutverki í teymi þróunar og rekstrar hjá stofnunarinnar þar sem reynir á skipulag, fagmennsku, vinnugleði, frumkvæði og samstarf.

Helstu verkefni og ábyrgð

Dagleg umsjón, yfirsýn og stjórnun verkefna í teymi þróunar og rekstrar.
Ábyrgð á stoðþjónustu teymisins, skráningu erinda, skjalavörslu, skráningu ferla, gögnum og tölfræði og samstarfi við birgja.
Umsjón með daglegum rekstri og mannauðsmálum, þ.m.t., launavinnslu, nýliðaþjálfun og fræðslustarfi.
Forysta um straumlínustjórnun og mótun vinnuferla.
Ábyrgð á uppbyggingu gæðahandbókar og umsjón við skráningu á verklagsreglum.
Umsjón með gæðamálum á sviði velferðarmála í samráði við forstjóra.
Eftirfylgni verkefna á starfsáætlun forstjóra, m.a. á sviði gæða- og upplýsingatæknimála, mannauðsmála og rekstrar.
Innleiðing tæknilausna og eftirfylgni nýjunga og umbóta, m.a. á sviði gervigreindar.
Tengiliður við rekstraraðila upplýsingtæknikerfa, húsnæðis og birgja.

Menntunar- og hæfniskröfur

Háskólapróf sem nýtist í starfi.
Framhaldsmenntun sem nýtist í starfi er kostur.
Farsæl reynsla af þróun og innleiðingu ferla og umbóta.
Reynsla á sviði rekstrar og mannauðmála.
Hæfni í greiningu, túlkun og framsetningu gagna.
Þekking og reynsla á sviði velferðarmála.
Þekking og reynsla á sviði stjórnsýslu.
Frumkvæði og umbótavilji.
Framúrskarandi samskiptahæfni, jákvæðni og samstarfshæfni.
Sjálfstæði í starfi og ögun í vinnubrögðum.
Gott vald á íslensku og ensku bæði í ræðu og riti.

Hjá GEV starfar metnaðarfullur og lífsglaður hópur sérfræðinga sem hefur ástríðu fyrir málaflokknum.

Umsóknarfrestur er til og með 23. júní 2025.

Laun samkvæmt kjarasamningi fjármálaráðherra við ríkið og samkvæmt stofnannasamningi GEV við viðeigandi stéttarfélag.

Æskilegt er að viðkomandi geti hafið störf sem fyrst, en starfið veitist frá 1. september 2025, eða samkvæmt nánara samkomulagi.

Öllum umsóknum verður svarað þegar ákvörðun um ráðningu liggur fyrir.

Með umsókn skal fylgja starfsferilsskrá með upplýsingum um menntun og fyrri störf. Einnig skal fylgja kynningarbréf á íslensku þar sem kemur fram rökstuðningur fyrir hæfni umsækjanda til að gegna starfinu.

Við ákvörðun um ráðningu verður, auk framangreindra hæfnisviðmiða, tekið mið af frammistöðu í starfsviðtali, frammistöðu í mögulegum verkefnum sem þarf að leysa og umsagna sem aflað er.

Umsóknir gilda í sex mánuði frá því að umsóknarfrestur rennur út.

Fólk af öllum kynjum er hvatt til að sækja um.

Umsókn þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsjón með ráðningarferlinu hafa Auður Bjarnadóttir ([email protected]) og Garðar Óli Ágústsson ([email protected]) hjá Vinnvinn.

Advertisement published6. June 2025

Application deadline23. June 2025

Language skills