

Gervigreind – regluverk og stefnumótun
Námskeið sem eflir grunnþekkingu á gervigreind og þeirri löggjöf sem um hana gildir.
Gervigreind er að umbreyta vinnustöðum, þjónustu og ákvarðanatöku — og brátt mun nýtt regluverk skilgreina hvernig hún má og á að vera notuð. Síðar á þessu ári verður reglugerð Evrópusambandsins um gervigreind (EU AI Act) innleidd á Íslandi og mun hún hafa bein áhrif á fyrirtæki, stofnanir og opinbera aðila sem þróa, kaupa eða nýta gervigreind.
Mikilvægt er að skilja þau rök sem búa að baki reglum um gervigreind, kosti þeirra og galla, og áskoranir við reglusetningu. Sá skilningur auðveldar túlkun og beitingu regluverksins og aðstoðar við regluhlítni.
Námskeiðið er ætlað þeim sem vilja vera skrefi á undan — hvort sem þú vinnur við stefnumótun, innleiðingu, innkaup, lögfræði, stjórnun, upplýsingatækni eða þróun. Til að setja evrópska regluverkið í samhengi og dýpka skilning verður einnig litið til þróunar og löggjafar í öðrum heimshlutum.