Hafrannsóknastofnun

Hafrannsóknastofnun er stærsta rannsóknastofnun landsins á sviði haf- og vatnarannsókna og gegnir auk þess ráðgjafarhlutverki varðandi skynsamlega nýtingu og verndun auðlinda hafs og vatna. Stofnunin heyrir undir matvælaráðuneytið. Stofnunin rekur, auk aðalstöðvar í Hafnarfirði, starfsstöðvar vítt og breitt um landið, tilraunaeldisstöð, tvö rannsóknaskip og hjá stofnuninni starfa að jafnaði um 190 manns í fjölbreyttum störfum.

Vinnustaðurinn

Sérfræðingur í vatnamálum

Hafrannsóknastofnun óskar eftir að ráða til starfa sérfræðing í vatnamálum. Starfið felur í sér vinnu við ýmis verkefni sem tengjast lögum um stjórn vatnamála en stofnunin veitir bæði ráðgjöf þar um auk þess að sinna rannsóknum og vöktun. Starfið mun einkum felast í ráðgjafahluta málaflokksins. Bent er á vefsvæði á vegum Umhverfisstofnunar um vatnamál, vatn.is, fyrir þá sem vilja kynna sér málaflokkinn betur.

Lögð er áhersla á að ráða lausnamiðaðan einstakling sem hefur góða færni í að vinna sjálfstætt og í teymi. Felur starfið einkum í sér vinnu með texta. Horft verður til umsækjenda með ýmsa menntun eða starfsreynslu sem nýtist í starfi, s.s. á sviði umhverfisfræði, verkfræði, líffræði o.s.frv.

Helstu verkefni og ábyrgð

Greining á efni um vatnamál á íslensku og erlendum tungumálum.
Ritun skýrslna og annara ráðgjafaskjala.
Virk þátttaka í teymi sem vinnur að úrlausnarefnum á sviði vatnamála.

Menntunar- og hæfniskröfur

Háskólamenntun á sviði umhverfisfræði, verkfræði, líffræði eða skyldum greinum.
Góðir skipulags og samskiptahæfileikar.
Góð almenn tölvukunnátta.
Metnaður, frumkvæði og sjálfstæði í vinnubrögðum.
Jákvætt viðmót, samstarfsvilji og hæfni til að vinna í teymi.
Góð færni til að tjá sig í ræðu og riti á íslensku og ensku. Þekking á norðurlandamáli er kostur.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja:

Ítarleg starfsferilskrá.
Sérstakt kynningarbréf þar sem gerð er grein fyrir hæfni umsækjandi sem nýtist starfi.
Afrit af prófskírteinum.
Tilnefning a.m.k. tveggja meðmælenda.

Öllum umsóknum verður svarað þegar ákvörðun um ráðningu hefur verið tekin.

Ófullnægjandi umsóknir eru ekki teknar til greina. Hafrannsóknarstofnun áskilur sér rétt til að hafna öllum umsóknum. Umsókn getur gilt í sex mánuði eftir að umsóknarfresti lýkur. Gerð er krafa um að umsækjendur hafi hreint sakavottorð.

Við ráðningu í störf hjá Hafrannsóknastofnun er tekið mið af jafnréttisáætlun stofnunarinnar og er fólk af öllum kynjum hvatt til að sækja um.

Gildi stofnunarinnar eru: Þekking - Samvinna - Þor

Starfshlutfall er 100%

Nánari upplýsingar veitir

Hrönn Egilsdóttir, sviðsstjóri umhverfissviðs - hronn.egilsdottir@hafogvatn.is - 695 6705
Berglind Björk Hreinsdóttir, mannauðsstjóri - berglind.bjork.hreinsdottir@hafogvatn.is - 891 6990

Auglýsing stofnuð25. mars 2024

Umsóknarfrestur4. apríl 2024

Tungumálakunnátta