Sérfræðingur í umhverfismálum

Brennur þú fyrir umhverfismálum og hefur áhuga að starfa í öflugu teymi í líflegu og einstöku starfsumhverfi? Við erum að leita að einstaklingi sem býr yfir krafti og metnaði til að ná árangi í umhverfismálum og vill slást í för með okkur. Viðkomandi mun starfa í deild umhverfismála á skrifstofu forstjóra og mun vinna að framkvæmd og eftirliti með umhverfismálum félagsins í samræmi við stefnu og aðgerðaráætlun í málaflokknum.

Helstu verkefni:

• Ber ábyrgð á umhverfisstjórnunarkerfi
• Vinnur að framfylgd stuðningsstefnu um sjálfbærni
• Vinnur umhverfisverkefni í samræmi við stefnu og aðgerðaráætlun
• Gagnaöflun, framsetning gagna og eftirlit með umhverfismælingum
• Samstarf og samráð við hagaðila
• Stuðla að aukinni umhverfisvitund hagaðila

Menntunar- og hæfniskröfur:

• Háskólamenntun sem nýtist í starfi, t.d. nám í umhverfis- og auðlindafræði
• Góð þekking og áhugi á umhverfismálum og málefnum tengt starfinu
• Reynsla af sambærilegu starfi er kostur
• Áhugi á sjálfbærni og vilji til að læra og þroskast í starfi skilyrði
• Góð hæfni í mannlegum samskiptum, jákvætt hugarfar og þjónustulund
• Góð tölvukunnátta og hæfni til að miðla upplýsingum í ræðu og riti

Starfsstöð er í Hafnarfirði.

Isavia er vinnustaður þar sem við sýnum hvert öðru virðingu og erum heiðarleg gagnvart sjálfum okkur og öðrum. Við gætum þess að viðhalda gleðinni, erum hugrökk, uppbyggileg og tökum ábyrgð á eigin frammistöðu. Saman náum við árangri.

Við bjóðum upp á hollan og góðan mat í hádeginu, farsímaáskrift og allt starfsfólk hefur aðgang að heilsu- og líkamsræktarstöðvum sér að kostnaðarlausu.

Umsóknarfrestur er til og með 10.maí 2024.

Frekari upplýsingar um starfið veitir Egill Björn Thorstensen, í gegnum netfang egill.thorstensen@isavia.is.

Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið.

Við hvetjum áhugasama aðila, án tillits til kyns og uppruna, til að sækja um.