Menntasvið Kópavogs leitar að leiðtoga leikskóladeildar
Menntasvið Kópavogsbæjar leitar að öflugum leiðtoga í starf deildarstjóra leikskóladeildar. Sviðið annast rekstur grunnskóla, leikskóla, starfsemi dagforeldra, skólahljómsveitar, félagsmiðstöðva, frístundaheimila og íþróttamála og þjónustar um 7 þúsund börn og fjölskyldur þeirra.
Við leitum að framsæknum og metnaðarfullum einstaklingi sem hefur áhuga á að taka þátt í áframhaldandi sókn í málefnum leikskóla Kópavogsbæjar og brennur fyrir farsæld barna og framsæknu leikskólastarfi.
Leikskóladeild menntasviðs ber ábyrgð á starfsemi 21 leikskóla, með um 2.000 börn, ásamt starfsemi dagforeldra. Á þessu skólaári hefur verið unnið að innleiðingu "Kópavogsmódelsins" sem felur í sér grundvallarbreytingar á skipulagi leikskóla bæjarins með það að markmiði að styrkja stöðugleika í starfsumhverfi og bæta velferð og vellíðan barna og starfsfólks. Árangurinn er langt umfram væntingar og spennandi tækifæri fyrir metnaðarfullan leiðtoga að taka við keflinu í framþróun leikskólastarfs. Deildarstjóri leikskóladeildar er næsti yfirmaður leikskólastjóra og starfsfólks leikskóladeildar.
Deildarstjóri er leiðtogi sem veitir leikskólamálum faglega forystu og ber ábyrgð á faglegum gæðum og framþróun í námi og uppeldi í leikskólum Kópavogs. Deildarstjóri hefur leiðandi áhrif á stefnumörkun leikskólamála, innleiðingu samþættrar þjónustu í þágu farsældar barna og vinnustaðamenningu í leikskólum Kópavogs.
Kópavogsbær er annað tveggja sveitarfélaga á landinu sem nýtur viðurkenningar Unicef sem barnvænt sveitarfélag og vinnur markvisst að innleiðingu barnasáttmála Sameinuðu þjóðanna og menntastefnu Kópavogsbæjar.
- Fagleg forysta og frumkvæði að stefnumarkandi tillögum um nýbreytni og þróun í leikskólastarfi
- Dagleg stjórnun og skipulag starfsemi leikskóladeildar
- Ábyrgð á innritun barna í leikskóla og úrvinnslu forgangsbeiðna
- Ábyrgð á ráðgjöf og stuðningi við leikskólastjórnendur varðandi stjórnun og fagleg málefni
- Þátttaka í gerð og eftirfylgni fjárhagsáætlunar leikskólahluta menntasviðs
- Ábyrgð á mati og eftirliti með leikskólastarfi í samræmi við lög og reglugerðir og menntastefnu
- Ábyrgð á undirbúningi funda leikskólanefndar og framfylgir samþykktum þess
- Mótun og eftirfylgni árangursríks samstarfs við samtök foreldra barna í leikskólum
- Stuðlar að árangursríku samstarfi við aðrar deildir og svið innan sem utan sveitarfélagsins
- Ábyrgð á skipulagi endurmenntunar og þjálfunar sem stuðlar að þróun í leikskólastarfi fyrir leikskólakennara og annað starfsfólk
- Þátttakandi og ráðgefandi aðili varðandi breytingar og nýframkvæmdir á húsnæði leikskóla
- Leyfi til að nota starfsheitið leikskólakennari og reynsla af starfi í leikskóla
- Framhaldsmenntun (MA, MEd, MBA eða diplóma að lágmarki) á sviði uppeldis- og menntunarfræða, stjórnunar eða sambærilegra greina sem nýtast í starfi
- Reynsla af stjórnun og rekstri í leikskóla
- Reynsla og þekking á regluverki stjórnsýslunnar æskileg
- Leiðtogahæfileikar og reynsla af faglegri forystu í leikskólastarfi
- Sýn og vilji til nýbreytni og þróunar í leikskólastarfi
- Frumkvæði, lausnamiðuð hugsun og metnaður til að ná árangri í starfi
- Færni í mannlegum samskiptum, sjálfstæði í starfi, skipulagsfærni og vönduð vinnubrögð
- Færni til að tjá sig skipulega bæði í ræðu og riti á íslensku og ensku
Starfsfólk Kópavogsbæjar fær frían aðgang að sundlaugum bæjarins
Stytting vinnuvikunnar
ÍslenskaMjög góð
EnskaMjög góð
