Menntasvið Kópavogs leitar að leiðtoga grunnskóladeildar
Menntasvið Kópavogsbæjar leitar að öflugum leiðtoga í starf deildarstjóra grunnskóladeildar. Sviðið annast rekstur grunnskóla, leikskóla, starfsemi dagforeldra, skólahljómsveitar, félagsmiðstöðva, frístundaheimila og íþróttamála og þjónustar um 7 þúsund börn og fjölskyldur þeirra.
Um er að ræða spennandi tækifæri fyrir framsækinn einstakling sem hefur áhuga á að taka þátt í áframhaldandi sókn í málefnum grunnskóla Kópavogsbæjar og brennur fyrir farsæld barna og framsækinni menntun.
Grunnskóladeild ber ábyrgð á starfsemi 11 grunnskóla, með um 5 þúsund nemendur og 9 frístundaheimila auk þess sem málefni skólahljómsveitar heyra undir deildina. Grunnskólar Kópavogs standa mjög framarlega á sviði upplýsingatækni í skólastarfi, vel er stutt við skóla fyrir alla og faglegur metnaður og þróunarstarf til fyrirmyndar.
Deildarstjóri grunnskóladeildar er næsti yfirmaður skólastjóra og starfsfólks grunnskóladeildar. Deildarstjóri er faglegur leiðtogi í grunnskólamálum og ber ábyrgð á gæðum menntunar, þróunar og nýbreytni í grunnskólum Kópavogs.
Kópavogsbær er annað tveggja sveitarfélaga á landinu sem nýtur viðurkenningar Unicef sem barnvænt sveitarfélag og vinnur markvisst að innleiðingu barnasáttmála Sameinuðu þjóðanna og menntastefnu Kópavogsbæjar.
- Fagleg forysta og frumkvæði að stefnumarkandi tillögum um nýbreytni og þróun í skólastarfi
- Dagleg stjórnun og skipulag starfsemi grunnskóladeildar
- Ábyrgð á ráðgjöf og stuðningi við skólastjórnendur varðandi stjórnun og fagleg málefni
- Þátttaka í gerð og eftirfylgni fjárhagsáætlunar grunnskólahluta menntasviðs
- Ábyrgð á mati og eftirliti með grunnskólastarfi og starfsemi frístundaheimila í samræmi við lög og reglugerðir og menntastefnu sveitarfélagsins
- Ábyrgð á undirbúningi funda menntaráðs og framfylgir samþykktum þess
- Mótun og eftirfylgni árangursríks samstarfs við samtök foreldra barna í grunnskólum
- Stuðlar að árangursríku samstarfi við aðrar deildir og svið innan sem utan sveitarfélagsins
- Ábyrgð á skipulagi endurmenntunar og þjálfunar sem stuðlar að þróun í skólastarfi fyrir kennara og annað starfsfólk grunnskóla
- Þátttakandi og ráðgefandi aðili varðandi breytingar og nýframkvæmdir á húsnæði grunnskóla
- Leyfi til að nota starfsheitið kennari og kennslureynsla á grunnskólastigi
- Framhaldsmenntun (MA, MEd, MBA eða diplóma að lágmarki) á sviði uppeldis- og menntunarfræða, stjórnunar eða sambærilegra greina sem nýtast í starfi
- Reynsla af stjórnun og rekstri í grunnskóla
- Reynsla og þekking á regluverki stjórnsýslunnar æskileg
- Leiðtogahæfileikar og reynsla af faglegri forystu í skólastarfi
- Sýn og vilji til nýbreytni og þróunar í skólastarfi
- Frumkvæði, lausnamiðuð hugsun og metnaður til að ná árangri í starfi
- Færni í mannlegum samskiptum, sjálfstæði í starfi, skipulagsfærni og vönduð vinnubrögð
- Færni til að tjá sig skipulega bæði í ræðu og riti á íslensku og ensku
Starfsfólk Kópavogsbæjar fær frían aðgang að sundlaugum bæjarins
Stytting vinnuvikunnar
EnskaMjög góð
ÍslenskaMjög góð
