Pósturinn

Pósturinn er þjónustufyrirtæki sem sérhæfir sig í dreifingalausnum en dreifikerfi Póstsins nær um allt land og allan heim. Höfuðstöðvar Póstsins eru í Reykjavík en fyrirtækið starfrækir starfsstöðvar víðsvegar um landið til að þjónusta Íslendinga sem allra best. Við hjá Póstinum erum lausnamiðað keppnisfólk og tökum fagnandi á móti síbreytilegum áskorunum hvað varðar öflugar og hraðar dreifingalausnir sem standast kröfur viðskiptavinarins. Hjá okkur er lagt mikið uppúr liðsheild, þjálfun mannauðs og góðum starfsanda.

Fylgstu með nýjum og spennandi fréttum frá Póstinum.

Hjá Póstinum starfar fjölbreyttur og litríkur hópur fólks sem vinnur sem ein heild að því að þjónusta viðskiptavini sem best. Okkar besta fólk er skapandi, lausnadrifið, jákvætt og býr yfir ríkri þjónustulund.

Mannauðsstefnan er leiðarljós Póstsins við að móta gott starfsumhverfi sem stuðlar að ánægju og vellíðan starfsfólks þar sem allir eru leiðtogar. Stefnan hverfist um meginmarkmið Póstsins um bætta þjónustu og hagkvæmni í rekstri. Stefnan nær til allra þátta mannauðsmála. Sterk ímynd laðar að rétta fólkið, hvetjandi leiðtogar stuðla að vellíðan og starfsfólk heldur hvert öðru ábyrgu. Tækifæri gefast til stöðugrar starfsþróunar og við starfslok fer fram markviss yfirfærsla þekkingar.