Laus störf Hæfnileit Vinnustaðir Námskeið

Slökkvilið höfuðborgarsvæðisins

Starfsemi okkar er fjölbreytt og er markmið okkar að sinna forvörnum og útkallsþjónustu á þjónustusvæði okkar sem nær yfir öll sveitarfélögin á höfuðborgarsvæðinu. Við sinnum slökkvistarfi skv. lögum um brunavarnir, sjúkraflutningum á svæðinu, almannavörnum, björgun úr sjó, vötnum og utan alfaraleiða ásamt öflugu eldvarnaeftirliti. Starfsfólk okkar er tæplega 200 staðsett á fjórum slökkvistöðum, en á starfssvæði okkar býr 63% allra landsmanna.

Vinnustaðurinn

Vilt þú vinna við eldvarnaeftirlit og forvarnir?

Um er að ræða framtíðarstörf við eldvarnaeftirlit og forvarnir á starfssvæði slökkviliðs höfuðborgarsvæðisins. Meginhluti starfsins felur í sér skoðanir á byggingum og lóðum auk skráningar og gagnavinnu.

Við leitum að einstaklingum með góða færni í mannlegum samskiptum og getu til að vinna með öðrum, jafnframt því að geta unnið sjálfstætt og sýnt frumkvæði í starfi sínu.

Helstu verkefni og ábyrgð

· Eldvarnaskoðanir á mannvirkjum og lóðum þeirra.

· Öryggis- og lokaúttektir mannvirkja í samstafi við byggingarfulltrúa.

· Skýrslugerð og gagnaöflun.

· Kröfugerð, eftirfylgni og eftirlit með framvindu úrbóta á eldvörnum.

· Samskipti við eldvarnafulltrúa, byggingarfulltrúa og aðra málsaðila.

· Almenn leiðsögn og stuðningur varðandi brunavarnir.

Menntunar- og hæfniskröfur

· Hafa lokið 32 einingum í byggingartækni að loknu sveinsprófi eða háskólamenntun sem nýtist í starfi eða lokið námi sem atvinnuslökkviliðsmaður.

· Áhugi á eldvörnum og öryggismálum.

· Góð almenn tölvufærni.

· Góð íslenskukunnátta. Kunnátta á fleiri tungumálum kostur.

· Hafa gild ökuréttindi.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og færni til að gegna starfinu. Laun eru samkvæmt kjarasamningi viðkomandi stéttarfélags.

Við hvetjum öll óháð kyni og uppruna að sækja um. Um er að ræða 100% starf í dagvinnu sem heyrir undir sviðsstjóra á forvarnasviði.

Nánari upplýsingar veitir Aldís Rún Lárusdóttir sviðsstjóri forvarnasviðs á [email protected]

Auglýsing birt15. maí 2026

Umsóknarfrestur31. maí 2026

Tungumálahæfni