Verkefnastjóri vefmála

Við auglýsum eftir öflugum verkefnastjóra til að sjá um vefmál fyrir verslanir okkar: Örninn reiðhjólaverslun, Örninn golfverslun, Fífa barnavöruverslun, Sportver og Útisport á Akureyri.

Starfsemi og vöruframboð okkar er fjölbreytt og því nauðsynlegt að viðkomandi aðili sé skipulagður, hugmyndaríkur og drífandi, en á sama tíma nákvæmur og sýni frumkvæði. Gott samstarf og samskiptahæfni er lykilatriði.

Verkefnastjóri sér um umsýslu og þróun vefsíðna, innsetningu vara og samskipti við forritara, markaðsfulltrúa og innkaupadeild. Starfið krefst sjálfstæðis og hæfni til að vinna undir tímapressu.

Áhugi á hjólreiðum, golfi, íþróttum og barnavörum er kostur en ekki skilyrði.

Starfið er fjölbreytt og krefjandi en skemmtilegt fyrir réttu manneskjuna.