Laus störf Hæfnileit Vinnustaðir Námskeið

Tónlistarskólinn á Egilsstöðum

Tónlistarskólinn á Egilsstöðum er staðsettur í húsnæði Egilsstaðaskóla og þar fer mest öll kennsla fram. Nemendur eru í kringum 180 talsins og á ýmsum aldri, börn og fullorðnir. Í skólanum er boðið upp á grunnnám, miðnám og framhaldsnám á hljóðfæri og í söng ásamt tónfræðagreinum og hefur skólinn útskrifað nemendur með framhaldspróf. Kennt er á fjölbreytt úrval hljóðfæra; tréblásturs-, málmblásturs-, strengja-, hljómborðs-, og ásláttarhljóðfæri. Forskóli er einnig í boði fyrir yngstu nemendurnar sem byggist upp á hóptímum og þar fer fram alhliða tónlistarþjálfun áður en nemendur velja sér hljóðfæri.

Vinnustaðurinn

Tónlistarkennari

Tónlistarskólinn á Egilsstöðum óskar eftir tónlistarkennara í 50-70% starf frá 1. ágúst 2026. Um er að ræða kennslu á selló, gítar, í forskóla og í tónfræði. Um framtíðarstarf er að ræða.

Helstu verkefni og ábyrgð

Kennsla nemenda í samræmi við þarfir þeirra.

Undirbúningur nemenda fyrir tónleika, tónfundi, sýningar og aðra tónlistarviðburði.

Skipulag og utanumhald á kennslu eigin nemenda.

Samskipti við forráðamenn og samstarfsfólk.

Þátttaka í skipulagningu og framkvæmd tónleika og annarra tónlistarviðburða.

Menntunar- og hæfniskröfur

Tónlistarkennaramenntun eða háskólamenntun í tónlist skilyrði

Góð íslenskukunnátta skilyrði

Færni í mannlegum samskiptum skilyrði

Geta til þess að kenna sellóleik, gítarleik, tónfræði og forskóla skilyrði

Reynsla af því að starfa með nemendum með sérþarfir æskileg

Launakjör eru samkvæmt kjarasamningum sveitarfélagsins og FT/FÍH.

Einstaklingar af öllum kynjum eru hvött til að sækja um stöðuna.

Vinnustaðir Múlaþings eru tóbakslausir og fjölskylduvænir.

Nánari upplýsingar veitir Sóley Þrastardóttir í síma 470-0570 eða á netfanginu [email protected].

Öllum umsóknum skal fylgja yfirlit yfir nám og/eða fyrri störf og rökstuðningur fyrir hæfni viðkomandi í starfið.

Einungis er tekið við rafrænum umsóknum í gegnum ráðningavef sveitarfélagsins hjá Alfreð og fara samskipti og úrvinnsla umsókna þar fram.

Allir umsækjendur þurfa að gefa leyfi fyrir að upplýsinga um þá sé aflað úr sakaskrá.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt8. maí 2026

Umsóknarfrestur22. maí 2026

Tungumálahæfni