Arion banki

Starfsfólk Arion banka er kjarninn í starfsemi bankans og kappkostar bankinn að búa vel að starfsfólki sínu. Arion banki er lifandi vinnustaður þar sem starfsumhverfið einkennist af fagmennsku, framsækni, umhyggju og tryggð Hjá Arion banka starfa um 900 manns, þar af eru 65% konur og 35% karlar. Kynjaskipting á meðal stjórnenda bankans er fremur jöfn og sama gildir um aldursdreifingu innan bankans en meðalaldur starfsfólks Arion banka er 42 ár. Fjölmargt starfsfólk hefur sýnt bankanum og forverum hans mikla tryggð og eru dæmi um að starfsfólk sé með meira en 40 ára starfsaldur. Meðal starfsaldur hjá Arion banka er tíu ár.

Vinnustaðurinn

Teymisstjóri fyrirtækjatrygginga

Fyrirtækja- og fjárfestingabankasvið leitar að öflugum einstaklingi í starf teymisstjóra fyrirtækjatrygginga. Teymið miðlar og þjónustar vörur Varðar trygginga og stýrir mikilvægum viðskiptasamböndum tryggingafélagsins.

Teymið er staðsett á fyrirtækja- og fjárfestingabankasviði sem hefur það hlutverk að bjóða alhliða fjármála- og tryggingaþjónustu til fyrirtækja, stofnana og sveitarfélaga auk stýringar á fjármögnunarverkefnum. Teymisstjórinn heyrir undir forstöðumann fyrirtækja og vinnur í nánu samstarfi við lánateymi Arion banka og vöruteymi Varðar trygginga.

Starfið felur í sér ábyrgð á daglegri stjórnun þeirra sem sinna verkefnum og þjónustu sem tengjast tryggingaþjónustu fyrirtækja ásamt greiningum og útfærslu á krosssölutækifærum í allri Arion samstæðunni. Teymið er skipað öflugu starfsfólki sem staðsett er í nokkrum útibúum Arion og Varðar. Stjórnandinn þarf að vera tilbúinn til að ferðast innanlands og sinna viðskiptavinum og starfsfólki víðsvegar um landið.

Starfið gerir kröfur um gott samstarf um verkefni innan sviðsins og við Vörð, leiðtogahæfni, ásamt framúrskarandi sölu- og þjónustuhæfileikum. Mikill kostur er að viðkomandi hafi góða þekkingu á íslensku viðskiptalífi.
Við leitum að hvetjandi og söludrifnum stjórnanda með góðar tengingar við atvinnulífið og til í að vera á ferðinni þegar á þarf að halda.

Helstu verkefni og ábyrgð

Utanumhald um dagleg verkefni fyrirtækjatrygginga og starfsfólk teymisins
Utanumhald og eftirfylgni á söluáætlunum, krosssölutækifærum og þjónustumarkmiðum í samvinnu við forstöðumann
Stýring og ábyrgð á núverandi viðskiptasamböndum
Öflun og dreifing nýrra viðskiptatækifæra
Þróun og eftirfylgni gæðamála í sölu fyrirtækjatrygginga í samvinnu við forstöðumann og gæðastjóra Varðar trygginga
Samstarf um þróun og útfærslu stafrænna sölu- og þjónustuleiða fyrirtækjatækjatrygginga ásamt annarri vöruþróun

Menntunar- og hæfniskröfur

Framúrskarandi söluhæfileikar, samskiptahæfni og leiðtogahæfni
Vilji til að ná stöðugt lengra, drifkraftur og sjálfstæði í starfi
Starfsreynsla í fyrirtækjatryggingum eða sölu- og þjónustustarfsemi er æskileg
Reynsla eða hæfni til að greina tækifæri í vöruþróun er kostur
Reynsla af þróun þjónustu og þjónustustýringu er eftirsóknarverð
Háskólamenntun sem nýtist í starfi
Framhaldsmenntun og reynsla af stjórnun er kostur

Nánari upplýsingar um um starfið veita Helga Sigurrós Valgeirsdóttir, forstöðumaður fyrirtækja, netfang [email protected] og starfsfólk mannauðs, [email protected].

Umsóknarfrestur er til og með 17. ágúst 2025.

Fullum trúnaði er heitið og öllum umsóknum verður svarað þegar ákvörðun um ráðningu hefur verið tekin.
Ráðningarferli geta tekið misjafnlega langan tíma. Við leggjum okkur fram um að svara öllum umsóknum um leið og ákvörðun um ráðningu hefur verið tekin. Farið er með allar umsóknir sem trúnaðarmál.

Hlutverk Arion banka er að vinna að markmiðum viðskiptavina, eigenda, starfsfólks og samfélagsins alls. Við bjóðum snjallar og traustar fjármálalausnir sem skapa viðskiptavinum, hluthöfum og samfélaginu öllu verðmæti til framtíðar. Starfsfólk bankans er fjölbreyttur hópur fólks sem á það sameiginlegt að hafa metnað fyrir störfum sínum. Við leggjum okkur fram við að byggja upp vinnustað þar sem kunnátta, þekking og færni fær að njóta sín. Við virðum mannréttindi og jafnrétti í allri okkar starfsemi og leggjum kapp á að starfa í sátt við samfélagið og umhverfið. Þinn árangur er það sem við stefnum að.

Upplýsingar um persónuvernd fyrir umsækjendur.