

Teymisstjóri á heimili fyrir börn
Sveitarfélagið Árborg leitar eftir öflugum, sjálfstæðum og jákvæðum starfsmanni til að gegna stöðu teymisstjóra í þjónustueiningu á heimili fyrir börn. Teymisstjóri ber faglega ábyrgð á daglegri þjónustu og gengur jafnframt vaktir. Helstu markmið starfsins eru að auka lífsgæði og sjálfstæði þjónustunotenda og stuðla að valdeflingu þeirra. Áhersla er á persónulegan stuðning í daglegu lífi, sniðinn að þörfum, aldri, óskum og væntingum hvers og eins. Starf teymisstjóra er skipulagt samkvæmt lögum nr. 38/2018 um málefni fatlaðs fólks með langvarandi stuðningsþarfir auk tengdra reglugerða.
Um er að ræða 100% stöðu en gert er ráð fyrir að teymisstjóri sé á vöktum sem hluta af stöðugildi hans.
Í Sveitarfélaginu Árborg búa rúmlega 12.000 íbúar og starfa um 1.100 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.
- Stjórnun og umsjón verkefna
- Samstarf við forstöðumann um faglega ábyrgð
- Ráðgjöf til starfsmanna ásamt forstöðumanni
- Þátttaka í þverfaglegu samstarfi
- Samstarf og samráð við aðstandendur
- Er staðgengill forstöðumanns í fjarveru hans
- Tileinkar sér og vinnur eftir hugmyndafræði málefna fatlaðs fólks og þjónandi leiðsagnar
- Tekur þátt í mönnun þjónustueiningarinnar með því að ganga fastar vaktir og taka aukavaktir þegar ekki tekst að manna vaktir með öðrum hætti.
- Önnur verkefni skv. starfslýsingu og sem yfirmaður felur starfsmanni
- Þroskaþjálfamenntun eða sambærileg háskólamenntun á sviði heilbrigðis-, mennta- og/eða félagsvísinda
- Þekking og reynsla af þjónustu við fatlað fólk mikilvæg
- Þekking og reynsla á fötlunum barna og áhrifum þeirra á daglegt líf mikilvæg
- Reynsla af stjórnun eða sambærilegu ábyrgðarstarfi skilyrði
- Þjónustulund og jákvæðni í starfi
- Góð hæfni í mannlegum samskiptum
- Skipulagshæfileikar og sjálfstæð vinnubrögð
- Frumkvæði og samviskusemi
- Hreint sakavottorð
Íslenska






