Sviðsstjóri fjölskyldusviðs

Sveitarfélagið Vogar auglýsir eftir metnaðarfullum einstaklingi til að taka að sér starf sviðsstjóra fjölskyldusviðs hjá sveitarfélaginu. Sviðsstjóri veitir sviðinu faglega, stjórnunarlega og rekstrarlega forystu og starfar í samræmi við stefnu sveitarfélagsins og lög og reglugerðir er varða starfsemina.

Sviðsstjóri gegnir lykilhlutverki í að þróa fjölskyldusvið með áherslu á farsæld barna, öflugt skóla- og frístundastarf, samþætta og notendamiðaða þjónustu og velferð íbúa. Sviðsstjóri er mótandi í starfi sínu, hefur frumkvæði að þróun þjónustunnar og lausn verkefna á málasviði fjölskyldusviðs. Sviðsstjóri er yfirmaður stjórnenda á sviðinu, veitir þeim ráðgjöf og stuðning og hefur yfirumsjón með rekstri þess.

Helstu verkefni og ábyrgð

Veita sviðinu faglega, stjórnunarlega og rekstrarlega forystu og ber ábyrgð á starfsemi þess
Ábyrgð á starfs- og fjárhagsáætlunum fjölskyldusviðs og eftirfylgni þeirra
Annast faglegan undirbúning og eftirfylgni mála fyrir nefndir á málefnasviði fjölskyldusviðs og hefur yfirsýn yfir málaflokka sviðsins
Eftirlit með framkvæmd samninga sem eru í gildi og heyra undir sviðið
Veita stjórnendum á fjölskyldusviði ráðgjöf og stuðning
Annast samskipti við bæjarstjórn, bæjarráð og fastanefndir sveitarfélagsins á vettvangi málaflokka sviðsins, auk samskipta við önnur sveitarfélög, stofnanir og aðra hagaðila
Koma að mótun og framfylgir stefnu sveitarfélagsins í skóla-, frístunda-, íþrótta- og velferðarmálum
Hafa frumkvæði að og stuðlar að umbótaverkefnum á málasviði fjölskyldusviðs

Menntunar- og hæfniskröfur

Háskólamenntun sem nýtist í starfi
Meistarapróf sem tengist starfsvettvangi sviðsins er kostur
Stjórnunarreynsla og leiðtogahæfni
Reynsla af gerð fjárhagsáætlana og rekstrarstjórnun
Góð þekking á helstu málaflokkum fjölskyldusviðs
Reynsla af opinberri stjórnsýslu er kostur
Rík samstarfs- og samskiptahæfni
Skipulagsfærni, sjálfstæði í vinnubrögðum og frumkvæði
Góð íslensku- og enskukunnátta og hæfni til að tjá sig í ræðu og riti
Góð almenn tölvukunnátta og færni í notkun upplýsingatækni
Metnaður og hæfni til að leiða umbætur og ná árangri í starfi

Í Sveitarfélaginu Vogum búa um 2.000 manns. Sveitarfélagið er umkringt fallegri náttúru Reykjanessins og er í nálægð við sjó, með skemmtilegum gönguleiðum og fjölbreyttu fuglalífi. Sveitarfélagið er vel staðsett í nágrenni við þjónustu höfuðborgarsvæðisins og alþjóðaflugvöll en býður jafnframt upp á kyrrlátt, vinalegt og fjölskylduvænt umhverfi.

Undir fjölskyldusvið heyra meðal annars Stóru-Vogaskóli og Heilsuleikskólinn Suðurvellir. Skóla- og velferðarþjónusta er veitt í samstarfi við nágrannasveitarfélag. Fram undan er mikilvæg stefnumótun á sviðinu, meðal annars í fræðslumálum og íþrótta- og tómstundamálum, og mun sviðsstjóri gegna lykilhlutverki í þeirri vinnu.

Í Sveitarfélaginu Vogum er fjölbreytt velferðar-, íþrótta- og frístundastarf fyrir íbúa á öllum aldri. Samfélagið er ríkt af félagsauði og þar starfa öflug félagasamtök sem gegna mikilvægu hlutverki í samfélaginu. Félagsauðurinn birtist jafnframt í öflugu samstarfi leikskóla og grunnskóla, góðum tengslum við íþrótta- og félagasamtök og samstarfi leik- og grunnskólabarna við eldri borgara. Í íþróttamiðstöð sveitarfélagsins er sundlaug og fjölbreytt íþróttaaðstaða fyrir skólana, íþróttafélög og bæjarbúa.

Umsókn skal fylgja ítarleg náms- og starfsferilsskrá ásamt kynningarbréfi þar sem gerð er grein fyrir ástæðu umsóknar og hæfni umsækjanda til að gegna starfinu. Öllum umsóknum verður svarað þegar ákvörðun um ráðningu liggur fyrir. Starfshlutfall er 100%.

Nánari upplýsingar

Geirlaug Jóhannsdóttir – [email protected]

Auglýsing birt31. júlí 2026

Umsóknarfrestur14. ágúst 2026

Tungumálahæfni