Sumarstörf - Sjúkraliðar og sjúkraliðanemar á bráðamóttöku

Heilbrigðisstofnun Suðurlands óskar eftir að ráða sjúkraliða og sjúkraliðanema á Bráðamóttöku HSU Selfossi í sumarafleysingu.

Helstu verkefni og ábyrgð

Um er að ræða hjúkrun sjúklinga á bráðamóttöku HSU þar sem öll bráðatilvik koma inn. Sjúklingar tilheyra öllum aldurshópum og koma hvenær sem er sólarhringsins, sem gerir bráðamóttökuna að spennandi vinnustað með mikið af lærdómstækifærum.
Um er að ræða fjölbreytt starf með skemmtilegu og metnaðarfullu starfsfólki.
Mikið er lagt upp úr góðri samvinnu allra starfshópa þar sem fagmennska, umhyggja og virðing fyrir skjólstæðingum og fjölskyldum þeirra er höfð að leiðarljósi.
Um er að ræða vaktavinnu.

Menntunar- og hæfniskröfur

Sjúkraliðanám frá viðurkenndri menntastofnun eða staðfesting á framvindu náms
Starfsleyfi landlæknis
Sjúkraliðanemar þurfa að hafa lokið: Almenn bókleg hjúkrun og verkleg grunnhjúkrun
Góð hæfni í mannlegum samskiptum
Frumkvæði, áreiðanleiki og jákvætt viðhorf
Reynsla af vinnu á bráðamóttöku er kostur

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

HSU veitir heilsugæslu-, sjúkrahús- og öldrunarþjónustu ásamt því að annast sjúkraflutninga. Þjónustusvæðið nær frá Þorlákshöfn í vestri til Hafnar í austri.

Hlutverk HSU er að móta, þróa og útfæra heilbrigðisþjónustu í umdæminu og tryggja íbúum Suðurlands og öðrum þjónustuþegum jafnan aðgang að bestu heilbrigðisþjónustu sem völ er á hverju sinni.

Þjónustumarkmið HSU byggja á gildum okkar um fagmennsku, virðingu og samvinnu. Velferð og þarfir þjónustuþega eru okkar leiðarljós.