Laus störf Hæfnileit Vinnustaðir Námskeið

Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Sumarstörf hjá Akureyrarbæ: Tækjahópur við slátt og hreinsun

Viltu SLÁ um þig?

Umhverfismiðstöð Akureyrarbæjar leitar að starfsfólki í sumarstörf við hreinsun og slátt á tækjum sem krefjast vinnuvélaréttinda. Skemmtilegt starf með mikilli útiveru þar sem flandrað er um bæjarlandið og starfað er í teymi.

Helstu verkefni og ábyrgð

Grassláttur, hirðing og runnaklippingar.
Flutningur á grasi til förgunar.
Minniháttar viðhald á smávélum s.s. slátturorf/-vélar
Hreinsun á gróðri í bæjarlandinu.
Ýmsar aðrar framkvæmdir á vegum bæjarins.
Önnur tilfallandi verkefni á Umhverfismiðstöð.

Menntunar- og hæfniskröfur

Almenn ökuréttindi.
Vinnuvélaréttindi.
Reynsla af sambærilegum störfum er æskileg.
Góð þjónustulund, og hæfni í samskiptum.
Sjálfstæði í vinnubrögðum.
Frumkvæði, stundvísi og samviskusemi.
Jákvæðni og sveigjanleiki.
Færni til að starfa í teymi.
Umsækjendur þurfa að hafa náð 18 ára aldri.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.